Video
Read full review
2024-04-03
27 views
一向鍾意試食唔同嘅中菜菜館，行街行到肚餓，決定入嚟呢間餐廳試一試。呢間餐廳晚市有套餐可供選擇，價錢合理。因為有一啲菜式同埋小食想食，所以當日決定散叫冇嗌套餐。嚟到呢間中菜館，不得不識嘅係佢推介嘅片皮鴨，片皮鴨即叫即片，佢會將片皮鴨分開三小碟，配以唔同嘅醬汁食用。佢嘅醬汁叫做八寶盒，比起平時其他餐廳更加有心思，放喺轉盤上面方便唔同嘅同枱食客可以轉個轉盤好容易就點到都唔同嘅醬汁。而且比較特別嘅係佢嘅醬汁有平時餐廳冇嘅紅莓醬同埋芥辣醬，為片皮鴨提供其他唔同嘅味道。小籠包皮薄餡靚，一啖咬落去醬汁係會噴晒出嚟嘅。佢嘅心思位就係每一隻小籠包都有一個小錫紙盤裝住，咁就唔會容易夾難夾穿令到小籠包流晒啲湯汁出嚟。另外點左紅燒獅子頭，一位用嘅份量。獅子頭嘅醬汁十分濃郁，而且獅子頭嘅肥瘦適中，入口即溶。廚師很有心思，配上一碗迷你嘅白飯，配送醬汁同埋獅子頭真係一流。😋主食方面就點咗貴妃泡飯，泡飯嘅湯底非常新鮮濃郁，而且十分足料，有唔同嘅瓜菜粒，再加上泡飯附送一碗脆米，食之前可以自行落落去個泡飯上邊，增加泡飯嘅口感。最後仲有點多個小肉餅，因為比較有特色，喺其他餐廳未見過。點知上菜嘅時候亦都係充滿驚喜，每個小肉餅
呢間餐廳晚市有套餐可供選擇，價錢合理。因為有一啲菜式同埋小食想食，所以當日決定散叫冇嗌套餐。
嚟到呢間中菜館，不得不識嘅係佢推介嘅片皮鴨，片皮鴨即叫即片，佢會將片皮鴨分開三小碟，配以唔同嘅醬汁食用。
佢嘅醬汁叫做八寶盒，比起平時其他餐廳更加有心思，放喺轉盤上面方便唔同嘅同枱食客可以轉個轉盤好容易就點到都唔同嘅醬汁。而且比較特別嘅係佢嘅醬汁有平時餐廳冇嘅紅莓醬同埋芥辣醬，為片皮鴨提供其他唔同嘅味道。
小籠包皮薄餡靚，一啖咬落去醬汁係會噴晒出嚟嘅。佢嘅心思位就係每一隻小籠包都有一個小錫紙盤裝住，咁就唔會容易夾難夾穿令到小籠包流晒啲湯汁出嚟。
另外點左紅燒獅子頭，一位用嘅份量。獅子頭嘅醬汁十分濃郁，而且獅子頭嘅肥瘦適中，入口即溶。廚師很有心思，配上一碗迷你嘅白飯，配送醬汁同埋獅子頭真係一流。😋
主食方面就點咗貴妃泡飯，泡飯嘅湯底非常新鮮濃郁，而且十分足料，有唔同嘅瓜菜粒，再加上泡飯附送一碗脆米，食之前可以自行落落去個泡飯上邊，增加泡飯嘅口感。
最後仲有點多個小肉餅，因為比較有特色，喺其他餐廳未見過。點知上菜嘅時候亦都係充滿驚喜，每個小肉餅上面插着一支滴管，店員介紹滴管裏面嘅係黑醋嚟嘅，可以自行調校黑醋嘅份量。
而小肉餅裏面嘅餡同埋口味類似小籠包嘅餡，但係製作嘅方法有啲唔同，大家嚟嘅時候都可以試吓。
餐廳亦都有其他推介菜式，當日未試，下次會來再試！
Post
