Prime Pho (Moved) New Location

呢一間越南粉係朋友介紹我去食，食過一次就愛上左呢度嘅撈檬，今日就帶咗我姐姐去試吓，happy friday 去happy下，雖然落雨，仍然不減我要食呢一間越南粉嘅熱情，因為真係好好味，今日都係叫咗火燒牛腩燒豬肉撈檬，亦都推介左呢一個撈檬比家姐，撈檬我覺得好重要嘅係佢嘅魚露，之前食開一間店，好鍾意佢嘅魚露好難得搵到比佢更好嘅魚露，今日終於搵到，以後有多一個選擇，我哋都滿心期待，等左一陣，我哋兩碗撈檬終於上枱，份量好多，材料整整齊齊咁排列着，令人急不及待開動，呢碟撈檬有好多醃制嘅酸紅蘿蔔白蘿蔔絲，好開胃，刺激食慾，仲有切成一片片嘅清新爽脆青瓜，清新健康，夏天咁熱，食呢啲就係最好，火燒牛腩呢度先有，所以好特別，有香香的火燒香味，兩大片牛腩，可能係燒過嘅關係，牛腩一啲都唔油膩，肉質仲好嫩滑，兩大舊酥脆嘅燒豬肉，豬肉又唔係鞋又入味，仲有芽菜同一堆花生碎，撈埋一齊食，好豐富的口感&味道，加埋個魚露醬汁好鮮味，而且酸嘅味道調校得好好！有啲蔬菜伴食好清新，一啲都唔漏，粉又唔會痴埋一舊舊，好滑！一定繼續支持