孖寶車仔麵

Open Now

Now Closed

好耐冇出嚟葵芳啦，快閃食個晚餐先，呢間店舖位於葵涌廣場，相信大家都唔陌生，除咗有掃街小食之外仲有車仔麵糖水等等。我點咗個車仔麵加兩份小食。三餸車仔麵$52包熱飲，點咗我最愛嘅牛腩、豬紅同埋牛柏葉。牛腩今次細舊左，不過依然煮到好腍夠晒入味，牛柏葉就有啲韌，而豬紅就好入味，揀咗米線，米線口感軟腍腍都幾滑口。另外點咗份陳皮魚蛋$12，好大浸陳皮味，掃街必食，再加份$16嘅滷水豆腐，食完滿足晒。晚市真係幾熱鬧，好彩搵到一張枱。