Video
Read full review
2023-08-03
463 views
朋友見我暫時去唔到旅行，特登 book 左響居酒屋嘅藍鰭吞拿魚解體宴帶我去玩！等我一解思鄉之愁 😍 今次真係一次非常特別同開心嘅體驗，成個過程我地都勁興奮，回程返屋企都非常意猶未盡 🥰去到坐低之後，就可以出去同條魚打卡影相 🤩 真係唔係成日會有機會同咁大條吞拿魚影相，仲要係咁近距離 😍 餐廳仲準備左 d props 比你影相果陣扮下野，勁好玩！活動當日 6:30pm 入場，解體宴就大約 7:30pm 開始，有曬足夠時間同我地嘅魚主角打卡 👍🏻 餐廳仲好貼心準備左 d 餐前小食比我地，有炸鷄同埋枝豆，非常適合配清酒啊 😋終於到左解體宴 🤩 首先由香港教育大學日本文化講師暨日本領事館「秋祭」文化活動主持 Charles Chen, Jr. 講解關於藍鰭吞拿魚同埋日本飲食文化知識 🙆🏻♀️ 由解體開始一直到宴會尾聲，Charles 都非常細心講解藍鰭吞拿魚唔同部位嘅特別之處，同埋各種日本飲食文化 🥰 充分體驗到餐廳對呢次解體宴會嘅用心，唔係只係不停講“好味“、”好珍貴“咁食左一餐飯，而係令到大家知道每一道料理所用到嘅部位點解咁特別、好食嘅地方喺邊度，用唔同煮法會點樣提升到魚嘅味道，絕對係有
去到坐低之後，就可以出去同條魚打卡影相 🤩 真係唔係成日會有機會同咁大條吞拿魚影相，仲要係咁近距離 😍 餐廳仲準備左 d props 比你影相果陣扮下野，勁好玩！活動當日 6:30pm 入場，解體宴就大約 7:30pm 開始，有曬足夠時間同我地嘅魚主角打卡 👍🏻 餐廳仲好貼心準備左 d 餐前小食比我地，有炸鷄同埋枝豆，非常適合配清酒啊 😋
終於到左解體宴 🤩 首先由香港教育大學日本文化講師暨日本領事館「秋祭」文化活動主持 Charles Chen, Jr. 講解關於藍鰭吞拿魚同埋日本飲食文化知識 🙆🏻♀️ 由解體開始一直到宴會尾聲，Charles 都非常細心講解藍鰭吞拿魚唔同部位嘅特別之處，同埋各種日本飲食文化 🥰 充分體驗到餐廳對呢次解體宴會嘅用心，唔係只係不停講“好味“、”好珍貴“咁食左一餐飯，而係令到大家知道每一道料理所用到嘅部位點解咁特別、好食嘅地方喺邊度，用唔同煮法會點樣提升到魚嘅味道，絕對係有得食之餘，亦同時上左一堂好寶貴嘅日本飲食文化課 👍🏻
正式開始吞拿魚解體秀 🤩 可以近距離睇真係超級難得嘅體驗！睇住師傅手起刀落咁將條魚解體，真係可以用震撼兩個字黎形容 😲 除左睇到師傅強勁嘅刀功之外，中段餐廳仲安排左「中落」呢個環節，等我地親自採刮「中落」赤身，自己拎住匙羹刮下刮下，好好玩好特別，呢個體驗真係十分難得 😍 刮完之後再加上師傅整嘅葱，完成屬於自己嘅ネギトロ，真係滿足到一個點 🤤
料理方面，首先有南蠻漬蝦同埋蟹籽豆腐做前菜，跟住就開始食山掛刺身，將山芋（日本淮山）放喺刺身上面，係一種健康食法，山芋口感杰杰地，配合彈牙嘅刺身，味道同口感都幾特別 👍🏻 跟住就到刺身，分別係赤身、中拖羅、大拖羅同埋魚鮫拖羅（鎌拖羅），當中最特別嘅就係魚鮫拖羅（鎌拖羅），鎌拖羅係吞拿魚嘅膊頭位，由於比較近心臟，所以油脂相對比較多，更重要係唔係成日有機會食到 😍 估唔到我居然有機會可以一試 🤩 一入口果陣魚油味簡直係爆出黎 🤤 然後幾乎係入口即化，真心好高質好正好好味 😋 刺身唔夠喉唔緊要，中段佢地會再有刺身比大家出去拎，一定可以滿足食🤤 刺身之後係燒吞拿魚下巴，估唔到咁多肉，然後咁 juicy 咁多魚油，個皮又燒到脆脆地，點埋柚子醋味道好 balance 🙆🏻♀️
之後就係壽司，有刺身有火灸，帶出左吞拿魚唔同嘅味道 😋 然後就開始到熱食~ 首先係用二十斤立魚熬成嘅湯，個湯超奶白，又甜又香濃，連平時麻麻地魚湯嘅我都飲到停唔到口 🙆🏻♀️ 跟住就係燒澳洲和牛同埋火灼拖羅，個和牛真心香得黎唔會太肥，餐廳係材料配搭方面真係好用心 👍🏻 最後師傅會將比較難整成刺身同壽司嘅魚肉切碎，然後撈埋壽司飯整成手卷，呢個真心幾飽都一·定·要·食 🤩 師傅即包即食，成個味道係鮮得黎好香，飯嘅比例唔會太多，完全係魚肉嘅 creamy口感 😍 我本身飽飽地都忍唔住食左兩件 🤤 最後就係甜品水信玄餅，食得咁豐富，最後黎返個清清地嘅甜品真係剛剛好 😌
當晚仲有一個好刺激嘅環節，就係抽食稀有部位，包括魚眼同腦天等，雖然抽唔到，但成班人一齊拎住自己個 number 等抽真係好好玩，好似開 party 咁 🥳
另外仲有一個非常吸睛嘅地方，就係全港最大型自助清酒機 🤩 呢部機有好多款唔同清酒，每款都會有精米步合、米種、釀酒水源、酒精度同埋風格類型，大家可以透過呢 d 資訊揾到想飲嘅清酒，我同朋友都係第一次接觸清酒，所以都拎左好幾款唔同嘅酒返黎試，我地就發覺自己比較鍾意爽呢種風格，亦都透過呢部機認識同埋試咁多唔同嘅清酒，真係非常難得，而且又可以開懷暢飲，呢晚真係特別開心 🍶
今次真係非常特別嘅體驗，成晚嘅安排處處到體會到餐廳嘅用心，我同朋友都真係好感受到佢地係真心熱愛日本飲食文化，同埋想帶比參加者一個有得著嘅體驗，而唔係單純一餐飯咁簡單 😆 成晚氣氛好好，而且侍應都好熱心又有禮貌，好似去左お祭り咁 💕 如果之後再有，真係極度推介你地去參加啊 🥰
Post
