聯興潮州飯店

Open Now

Now Closed

一年一度食薄殼的季節又到了，鍾意去聯興食因為佢價錢平味道又好。薄殼配九層塔真係無敵組合，不過今次D薄殼的Size比想像中細粒，估唔到8月中都未夠大隻，咁即係9月可以食多轉。其他菜式仲包括︰炸蝦棗蟹棗，好似係球體嗰隻係蝦棗，一條圓柱體切開嘅就係蟹棗，點埋佢個醬真係好食。韭菜豬紅唔少得啦，呢度嘅韭菜豬紅係用沙嗲醬去煮，味道唔錯。椒鹽白飯魚就麻麻，唔夠鬆化，嘥咗D咁新鮮咁大條嘅白飯魚，早知白飯魚煎蛋好過。魚頭豆腐白菜湯真心正，魚頭好新鮮好好味呀。鮮魷炒通菜又係好好食woo，D魷魚好新鮮好彈牙。呢間嘅煎蠔餅有薯粉，夠晒正宗，當然如果個蠔餅係煎唔係炸就會更理想啦。方魚炒芥蘭夠鑊氣，熱辣辣上枱真係好正。最後一樣就係沙嗲炒牛河，都好好食，個沙嗲醬唔會太咸，香味都夠，好食。