聯興潮州飯店

Open Now

Now Closed

疫情後, 今日茶餐廳午餐加飲品已經要5/60蚊, 通常都係飽肚而已, 唔難明白優質兩餸飯點解會大行其道, 由於工作嘅關係, 近期好多時在上環找吃, 一直都覺得上環上班好幸福, 好多嘢食, 已經吃過八刀, 龍邦燒味, 兩間都好味,但冇諗過寫食評, 直至今日.聯興沙爹牛河一向係我嘅comfort food, 晚飯多, 午餐少, 食到花生既沙爹, 有處理但吾過火嘅牛肉, 有炒蛋嘅河粉, 付上45蚊, 可以享用簡單紮實的潮州味道, 一個字,正！

今日朋友介紹咗嚟呢間上環街市熟食中心嘅潮州打冷小菜,本來都冇諗住寫食評,但係好想讚下佢哋好食夾大件, 我哋點咗椒鹽鮮魷，秒殺咗冇影到相, 通菜炒牛肉食咗一半先至記得影相，夠鑊氣多牛肉通菜青綠好食, 潮州餸好似叫做水瓜烙,第一次食朋友點嘅,幾得意, 有啲似煎蠔餅但係中間係水瓜,脆脆地煙煙韌韌啲水瓜又爆汁,潮州菜梗係唔少得薄殼啦,唔好意思又係食到尾聲先至記得影相，個汁好香加埋啲九層塔真係食到停唔到口，鮮甜到不得了，鹵水鵝啲鵝真係夠入味，鵝又真係又嫩又滑，椒鹽九肚魚，我平時真係好怕食九肚魚因為其實好多骨要𦧲返出嚟，但係呢度佢竟然將九肚魚拆骨，你可以一淡食落去，脆卜卜又有椒鹽味,又係食到一半先醒起影相，今次真係抵讚,有水準價錢實惠嘅潮州小菜！b/t, 本來朋友話上熟食中心食嘅時候都有啲驚熱辣辣，但係估唔到佢嗰度冷氣啱啱好，坐得又舒服鬆動,我真係對熟食中心完全改觀。讚讚讚！

衛生方面，既然來到熟食中心，已經做了只能要求基本衞生的心理準備，可是他們的碗碟真的都很髒，有之前的食物殘渣，記得清洗乾淨。《煎蠔烙》加了薯粉，像台式蚵仔煎，沒有多少蠔仔，一般。《滷水鵝片》滷水汁不夠香，鵝也比較乾。《潮州炒飯》就是火腿、蝦、蛋炒飯，不好吃…《咸肉炒介蘭》點了五樣，反而炒菜最好吃～《方魚肉碎粥》正常發揮，估計蠔仔粥會更好吃。整體來說我覺得這店是以親民價格取勝吧，一分錢一分貨的感覺。倒是欣賞他們整體食物不會過鹹，這是最大優點。

呢間位於上環街市上面熟食市場嘅潮州打冷舖質素唔錯而且收費合理。我哋今晚叫咗潮式凍蟹、韭菜豬紅、薄殼、潮式春菜煲同埋蠔仔粥。老闆娘推介我哋食凍蟹真係冇介紹錯，味道鮮甜兼且好多肉，隻隻腳d肉都實淨，唔會得d水，咁大隻都只係$600，物有所值。韭菜豬紅加咗沙嗲汁所以好惹味。蠔仔粥d蠔新鮮肥美。潮式春菜煲雖然係用五花肉而唔係教授嘅排骨，但係一啲都唔油，真係唔錯。薄殼就唔係好夠肥美，可能季節唔啱啦，不過佢個汁夠正宗，落咗九層塔所以好好食。

最欣賞它地道及正宗的潮州沙爹牛河及蠔仔粥。每次也必點這個。價錢大眾化、菜式也多樣化。一般潮州炒粉炒麵、蠔仔粥、蠔餅及家常少炒也應有盡有。我通常是午市光顧，因為公司就在附近。

上環好抵的打冷，4個人每人$140食咗7碟餸真係抵到無朋友，仲要味道唔錯，今時今日真係好難得。韭菜豬紅落了沙嗲汁去煮都幾惹味椒鹽鮮魷唔知係份量少定係隻碟太大呢，味道幾好炸得夠乾夠脆不過就總是覺得有D細碟鹵水鵝件味道唔錯唔會好鹹豆腐卜吸晒D鹵水味好和味白飯魚煎蛋老闆娘叫我地加菜莆食落味道又真係香口D，不過覺得唔係有太多白飯魚蠔仔粥D蠔仔都幾新鮮，入面D方魚粒都好味椒絲腐乳炒通菜似乎唔係好夠鑊氣，不過都算炒得青綠沙嗲牛河牛肉竟然多過河煬，個沙嗲汁幾香，不過就唔夠惹味

之前已經見過事頭婆話啲客人，人哋幾個人影張相佢都唔滿意，唔知關佢乜事呢？絕對唔係阻住佢行／上菜喺嗰啲，又唔係話成晚掛住影相唔幫襯，影一兩張咋喎，佢話人“咁鍾意影相。。。。”今次親身被不禮貌對待，話晒都係客人吖，唔使喝狗咁呀保證以後不會幫襯！又聽人講過佢老公都係咁嘅，真係難為啲員工😮‍💨其實俾喺服務嗰一粒星只係想顯示係最差，並不代表佢值得有星上面食晚飯咁多間（棟記，明記，泰之味，百姓）冇一間會咁差，老闆及員工都唔會，何需貼錢買難受！

呢間潮州野真心又抵食又好食，今晚6大1細叫咗都幾多野，包括當造嘅薄殼、韭菜豬紅、水瓜烙、白飯魚煎蛋、蝦棗、蠔仔粥、沙茶醬肉絲炒河同埋椒絲腐乳通菜。雖然已經踏入八月，d薄殼都好食，不過似乎仲未夠肥美，中秋之前要食多次希望可以肥美啲。韭菜豬紅落咗沙茶醬煮特別惹味。因為打算叫蠔仔粥，所以唔食蠔餅改為叫水瓜烙，水瓜夠爽夠香口，有啲花生碎點綴一下，點魚露味道更佳。因為見佢有新鮮白飯魚但係又唔想椒鹽咁熱氣，所以就叫白飯魚煎蛋，簡簡單單好味道。潮式蝦棗唔係道道有，呢度嘅蝦棗好味，一定要點埋佢個海鮮醬。蠔仔新鮮肥美所以用黎整蠔仔粥就非常理想，d方魚粒令窩蠔仔粥更加好味。因為在座有人唔食牛，所以就叫沙茶醬肉絲炒河，d沙茶醬連埋花生碎簡直係完美配搭，呢個炒河極力推介。椒絲腐乳通菜夠鑊氣，都好好味。食咗咁多樣野才$640，抵食到嚇窒左我，下次會再去食過。

一年一度食薄殼的季節又到了，鍾意去聯興食因為佢價錢平味道又好。薄殼配九層塔真係無敵組合，不過今次D薄殼的Size比想像中細粒，估唔到8月中都未夠大隻，咁即係9月可以食多轉。其他菜式仲包括︰炸蝦棗蟹棗，好似係球體嗰隻係蝦棗，一條圓柱體切開嘅就係蟹棗，點埋佢個醬真係好食。韭菜豬紅唔少得啦，呢度嘅韭菜豬紅係用沙嗲醬去煮，味道唔錯。椒鹽白飯魚就麻麻，唔夠鬆化，嘥咗D咁新鮮咁大條嘅白飯魚，早知白飯魚煎蛋好過。魚頭豆腐白菜湯真心正，魚頭好新鮮好好味呀。鮮魷炒通菜又係好好食woo，D魷魚好新鮮好彈牙。呢間嘅煎蠔餅有薯粉，夠晒正宗，當然如果個蠔餅係煎唔係炸就會更理想啦。方魚炒芥蘭夠鑊氣，熱辣辣上枱真係好正。最後一樣就係沙嗲炒牛河，都好好食，個沙嗲醬唔會太咸，香味都夠，好食。

講起上環打冷，好多人都會立即諗起皇后大道有幾間好出名的潮州店，嗰幾間唔係唔好食，不過就有D貴，落樓通常都要每人二百幾三百。不過今次介紹的這家打冷價錢較大眾化，當然地點在街市上面的熟食市場點都係會平D，不過如果只Focus在食物質素，呢間的性價比相對高。點了5樣野，我覺得最好食係個沙嗲牛河，沙嗲醬好香，仲有花生粒，D河粉吸到沙嗲D味，好正﹗韭菜豬紅同蠔餅就叮噹馬頭，兩個都唔錯，不過如果韭菜豬紅可以再多D韭菜會更好。佢個蠔餅唔係勁炸嗰種，所以真係唔錯，因為我好怕炸到脆卜卜嗰D。炒芥蘭夠鑊氣就已然very good啦。個魚雲就最差，因為食落唔係太新鮮，所以係死症，無得救。整體黎講唔錯，3人行每人$150，抵食好食。

上環有很多潮州打冷舖，好多間都很有名，而且價錢亦算有點驚人，不過這店的價錢和食物質素素卻令人喜出望外。二人前晚餐，點了三個餸，分別是韭菜豬紅、白飯魚煎蛋，與及炒菜一碟。韭菜豬紅加了沙嗲醬去煮，比起外面吃到的韭菜豬紅更香，白飯魚煎蛋的白飯魚比較大條而且新鮮，所以出黎好好食，而且比較少油，我鍾意。炒菜就正正常常啦，所以唔特別講了。最後值得一提的是價錢，他真的很平，估計比上環一帶的潮式打冷店平30%左右，物超所值。

好多人都話，每個街市嘅熟食中心，都最少起碼有一間好好食嘅食肆，而喺上環街市(即係上環文娛中心上面嗰度)，當然亦唔會例外。除咗嗰間由伯伯開嘅玉泉玻璃樽凍奶茶之外，呢間潮州野亦不得了。我最鍾意食佢嘅蝦棗蟹棗；佢嘅炸鳳尾魚的確一流，可惜可遇不可求；而豉油王鵝腸都係好好食，只係有時嫌隻鵝太肥太多脂肪；另外，夏天最鍾意黎，因為佢有好多潮州舖都唔肯花功夫整嘅薄殻，洗薄殻真係好花功夫同時間架；另一絕就係佢嘅沙嗲牛河，個沙嗲汁真係好正，必食；講到最後，亦都要講重點，就係幫襯呢間野必須出去睇下今日有d乜野靚，如果你只坐低跟菜牌叫，咁就出事嘞，唔係唔好食，只係會變成好普通好普通嘅叫餸食飯。

以前上環有一條"潮州巷",裡面都是潮州店鋪,後來拆了四散,有些在上環熟食中心,即這裡,有些在皇后街熟食中心.蔡瀾和不少人都已有寫過,在網上不難找到相關資料.這問聯興是否"潮州巷"店鋪之一,我沒有考證.但是,在數年前我在這裡吃過一次潮州炒河,就尋回少時在"潮州巷"的味道.店鋪在上環熟食中心裡,環境不算很好,也沒有體貼的侍應.不過,我偶爾有空路過,就會去吃.今天就是,去到坐低就叫.竟然趕上尾班車,是最後一碟,後來的人都沒有,緣份呢.河粉鑊氣夠,牛肉軟,河粉"棯",沙嗲濃,各樣配合得宜,極品.沙嗲應該是沙茶醬吧,加上花生碎,層次豐富.一碟河粉只售$40,這樣高素質,遠勝連鎖店,更較很多賣過百元的店鋪優勝.當然,如果要求環境良好,服侍周到,食品高質,這裡不是必然選擇.但價錢也不會這麼便宜吧.

老闆娘態度差已經見怪不怪。昨晚幫襯，點了三個菜，很快來了兩個。最後的兩面煎坐極未來，等了半小時才開始追，伙計先説在制作中，再等了一段時間還未有。我親自跑到廚房問老闆娘，她第一反應，做緊lor,係咁㗎喇，唔駛等唖。我回應，頭兩道菜來了，等了半小時都未來你說怎辨？後來我發現原來一圍大台，吃得豐富的，所以就先出大菜，其他不管。老闆娘態度保持囂張。我也快速吃完付錢。老闆娘不說一句！在這裡祝她好運！自看見她由店鋪轉移到街市，都心中有數！沒有想到她仍然未看到自己的問題！

親戚係澳門過來海洋公園玩，過得來當然要盡地主之誼啦！見佢地玩左成日，又有老人家小朋友，盡量搵個方便近碼頭既地方食野，好讓佢地唔洗去到其他地方搵食咁好喇！搵左成朝係開飯見到原來街市樓上有大排檔，又近碼頭，本來唔係揀呢間，不過隔離無人聽電話就打左來呢間訂位，見到最近既食評又唔錯，咁就係惡夢開始一行十二人坐低左就開始叫野食，點知個阿姐話唔夠人，要我地自己寫，都算啦，自己寫都幾有趣，但問題係阿姐態度非常惡劣，叫佢幾次想攞汽水佢都We close tomorrowAre u need the fish?扮睇唔到，其實我好諒解你地唔夠人手，但係態度可唔可以好返少少？我地又唔係麻煩客，只係想d老人家小朋友玩完可以填飽個肚啫！唔通咁都有錯？之後我自己寫左九個餸之後再加兩個共十一個菜油泡鮮魷-唯一有咸味的菜但偏咸鵝片——我自己無食，因為上菜慢，所以讓比老人家小朋友食先炸九肚——無乜肉，食落去係空心既方魚芥蘭——唔知點解有燶味，又淡腐乳通菜-——味道正常但份量好少炸蝦蟹丸——我又係讓比肚餓既食先生炒骨——又係無食九菜豬紅——無味炸豆腐——有豆腐味，無其他味炆鵝掌——份量好少，又係無試蒸白蟮——唯一有人話好