窩子

Open Now

Now Closed

朋友曾多番推薦窩子，但平時鮮有到新蒲崗既我早前終於可以一試朋友口中的窩子。來到窩子，好似置身於香港80年代的懷舊西式cafe一樣，所有擺設都別具風格，很難相信是由幾位80 90後的年青伙子打理的！餐牌選擇唔算多，一共三版，有飲品，主食和甜品。飲品點了限定特飲青蔥歲月同埋大龍味，青蔥歲月係青檸青瓜梳打，味道好清新，而且唔會太酸或太甜，夠清暑，岩晒夏天。大龍味反而冇咩特點，表現中規中矩既花茶。主食1：自家製番茄雙重芝士薄餅， 呢個真係要極力推介，pizza係既千層酥皮，咬落佢好香脆，芝士係車打芝士，拎係塊pizza真係拉到好長既芝士，配上番茄感覺好fresh，唔會好滯。呢個pizza真係冇得輸！主食2：紫蘇忌廉汁帶子扁意粉， 帶子大大粒，忌廉汁帶有特別既紫蘇，麵好彈牙。甜品：香蕉朱古力即焗法式千層酥， 呢個係朋友極力推介，呢到既千層酥都真係幾鬆脆，配上朱古力和香蕉，真係絕配！不過要留意，呢間窩子好似幾有個性，好早截單，想去既記得早d喇！