海 三碗麵

Open Now

Now Closed

知道三碗麵平時都要等好耐先有得食，今次經過，見一直落住雨，又係平日未到七點既時間，就去試下。去既時候前便得一個人等位，但係店內只係得三張兩人台。等左可能15分鐘倒，就入坐了。之前已經上網睇過下個menu，有三款麵，金華火腿，海蝦濃湯同胡椒湯，見網上既menu 仲寫飲品一律8元，不過我地問老細既時間，佢話冇飲品供應，可以去附近 grocery store 買。以為飲品一向都係食肆好好賺既項目，老細睇黎都好明顯似係為興趣多過搵錢。我叫左海蝦濃湯，我覺得好好食，又香又夠味，可能有人會覺得咸，但我覺得剛剛好。每款麵都會夾一份燒牛肉，我比左朋友食，佢話好食。見住老細拎住火槍，一次又一次慢慢燒又好認真咁處理，唔知點解有份感動。我真係唔知點解。