八月茶室 (南豐中心)

Open Now

Now Closed

久唔久都會好想食下川菜，位於荃灣南豐中心二樓#八月茶室，系呢區既佼佼者，呢到裝潢簡約整潔，卡位坐得舒適～而且冷氣十足，喺咁酷熱嘅天氣下係非常重要㗎嘛！而Menu有中式小炒及常餐等，價錢平民。亦系間免加一餐廳。先送上兩碗例湯。藤椒魚$188魚肉堆積如山，塊塊都好大片冇骨，底下大部分都係魚肉，鮮嫩無腥味，仲麻過酸菜魚～還有好多配菜大荳芽菜，個人認為比酸菜魚還要好食!!鐵板和風豚肉炒烏冬$62經過鐵板調配後轉碟上菜，烏冬份量較多，豚肉又有幾大塊，醬汁香濃 吾算好油膩，十分抵食!!孜然牛肉$78用洋蔥蒜蓉加上孜然粉去炒牛肉，惹味香口，亦提升咗本身嘅牛肉味，牛肉份量都合理，牛片肉質嫩滑，夠辣好啱伴飯食。泡椒魚皮$42魚皮晶瑩爽彈，口感覺味道有點似海哲，入口爽口，少少麻，椒香味十足，食到停唔到口。招牌紅豆冰$15&鹹0七$15夏天食建議叫凍飲，唔係的話會辣到成頭流曬汗😂既可以食到唔同風味嘅菜式，而每一道菜都有一定水準。想喺荃灣食到性價比高嘅茶餐廳，呢度絕對系個不容錯過的好地方。