Video
Read full review
2017-06-22
128 views
今次去九龍城唔係食泰國菜，而係打邊爐。呢間係一間精品火鍋店，餐枱顏色以淺白木色為主，牆身就用上灰色，再上吊燈，有風格之餘俾人感覺乾淨舒服。食物選擇多，淨係牛肉都有6款，菜嘅種類亦好多，差不多講得出嘅菜都有！海鮮類嘅食物亦都佔咗三份一個餐牌。值得一提嘅係佢好多特色食品，例如: 黑松露翠玉瓜餃、海鮮蛋角等，喺一般酒樓或者火鍋店係搵唔到嘅。我哋叫咗: 冬瓜瑤柱湯底、手切肉眼邊肥牛(例牌)、澳洲帶子、黑松露翠玉瓜餃、三秒腐皮、唐生菜同埋魚蓉麵，仲有竹蔗芧根水。湯底先上，打開見到一片片有造型嘅冬瓜，見得到係花過心思去處理食材，瑤柱雖然細粒，但係數量多到錨極都有！呷一啖湯，清清地，正好中和一陣食咁多肉類嘅肥膩。先嚟個三秒腐皮，待應擺上嚟嘅時候已經有香味飄過，我隻手唔覺意掂到腐皮嘅時候發現原來仲係熱嘅，證明係即叫即炸，外型同口感都保持喺最佳狀態！帶子上枱時我數過，有8粒！而且粒粒直徑大過個5蚊銀，肉厚，甚至開邊後，厚度都有翻咁上下。就算係急凍帶子都好，解凍時間過長都係會腥，但佢呢隻帶子完子無腥味，雖然不及新鮮帶子，但都有淡淡鮮味。手切肥牛比機切好，因為有一定嘅厚度先有口感𡁻頭，牛肉切到起雙飛，唔會失
今次去九龍城唔係食泰國菜，而係打邊爐。呢間係一間精品火鍋店，餐枱顏色以淺白木色為主，牆身就用上灰色，再上吊燈，有風格之餘俾人感覺乾淨舒服。
食物選擇多，淨係牛肉都有6款，菜嘅種類亦好多，差不多講得出嘅菜都有！海鮮類嘅食物亦都佔咗三份一個餐牌。值得一提嘅係佢好多特色食品，例如: 黑松露翠玉瓜餃、海鮮蛋角等，喺一般酒樓或者火鍋店係搵唔到嘅。
我哋叫咗: 冬瓜瑤柱湯底、手切肉眼邊肥牛(例牌)、澳洲帶子、黑松露翠玉瓜餃、三秒腐皮、
唐生菜同埋魚蓉麵，仲有竹蔗芧根水。
湯底先上，打開見到一片片有造型嘅冬瓜，見得到係花過心思去處理食材，瑤柱雖然細粒，但係數量多到錨極都有！呷一啖湯，清清地，正好中和一陣食咁多肉類嘅肥膩。
冬瓜瑤柱湯
23 views
0 likes
0 comments
先嚟個三秒腐皮，待應擺上嚟嘅時候已經有香味飄過，我隻手唔覺意掂到腐皮嘅時候發現原來仲係熱嘅，證明係即叫即炸，外型同口感都保持喺最佳狀態！
三秒腐皮
6 views
0 likes
0 comments
帶子上枱時我數過，有8粒！而且粒粒直徑大過個5蚊銀，肉厚，甚至開邊後，厚度都有翻咁上下。就算係急凍帶子都好，解凍時間過長都係會腥，但佢呢隻帶子完子無腥味，雖然不及新鮮帶子，但都有淡淡鮮味。
帶子
24 views
0 likes
0 comments
手切肥牛比機切好，因為有一定嘅厚度先有口感𡁻頭，牛肉切到起雙飛，唔會失蹤於湯底𥚃。
手切肉眼邊肥牛
53 views
0 likes
0 comments
我哋仲叫咗火鍋店嘅特色餃，黑松露翠玉瓜餃。餃子熟咗之後，外皮呈半透明，餃皮薄嘅程度可想而知。咬落去餡料結實，黑松露嘅香味隨即一湧而上，估唔到黑松露同中式水餃係可以咁和諧地配合。
黑松露翠玉瓜餃
23 views
0 likes
0 comments
魚蓉麵，原本以為係白色魚麵，吱出嚟先發現原來係鯪魚肉，鮮味 Level UP!
最後想講嘅係竹蔗芧根水，清清地唔會死甜，真係覺得飲完好清涼。
估唔到打邊爐可以驚喜處處，一定會再去！
Post
