Video
Read full review
2024-06-13
386 views
之前去過北角維港凱悅尚萃酒店食過晚市自助餐，特別對佢哋嘅甜品同旋轉雪糕機impressed😛所以見到佢哋推出充滿夏日氣息嘅tea set都即刻book位。而家酒店聯乘護膚品牌Farmacy推出以無花果、洋甘菊、蜜糖等食材為主題嘅下午茶，兩位$688，除三層架鹹甜點、鬆餅外，仲可以食到無限量供應即製蜜糖窩夫以及自家製雪糕🤩🤩隨tea set附送Farmacy蜂蜜基礎護膚套裝及85折優惠券，有精華、面膜、卸妝膏、眼霜，好抵🤑今次嘅tea set唔單止賣相靚，而且甜點鹹點都幾好食，尤其鹹點款款都有水準😋值得bookmark🫶🏻「FARMACY x THE FARMHOUSE 下午茶」🧈無花果蜜糖鬆餅鬆餅加入無花果，食落帶點顆粒感😆焗到表面好脆口😋內裡有少許黏，但配以clotted cream、蜜糖以及酸爽醒胃嘅檸檬洋甘菊醬，以酒店下午茶嚟講都係一個好食嘅scone👍🏻🌼洋甘菊泡芙泡芙夠脆身，內裡夾雜洋甘菊朱古力醬同mascarpone cheese，唔會太甜😗🥧無花果杏仁撻鬆脆富牛油香嘅撻底加入忌廉芝士、杏仁忌廉，口感好好，面頭嘅無花果醬酸酸咪咪，我自己幾鐘意😚不過朋友就覺得似紅棗味唔啱佢食
「FARMACY x THE FARMHOUSE 下午茶」
🧈無花果蜜糖鬆餅
鬆餅加入無花果，食落帶點顆粒感😆焗到表面好脆口😋內裡有少許黏，但配以clotted cream、蜜糖以及酸爽醒胃嘅檸檬洋甘菊醬，以酒店下午茶嚟講都係一個好食嘅scone👍🏻
🌼洋甘菊泡芙
泡芙夠脆身，內裡夾雜洋甘菊朱古力醬同mascarpone cheese，唔會太甜😗
🥧無花果杏仁撻
鬆脆富牛油香嘅撻底加入忌廉芝士、杏仁忌廉，口感好好，面頭嘅無花果醬酸酸咪咪，我自己幾鐘意😚不過朋友就覺得似紅棗味唔啱佢食😂
🥨蜜糖薄荷球
同樣係酸酸地唔太甜，欣賞底下嘅脆餅，好鬆化，好似食緊蝴蝶酥咁😛
🍋檸檬接骨木花蛋糕
呢款就一般，外層嘅朱古力外殼好甜，可以淨係食裡面嘅接骨木花慕絲🤣
🍖巴馬火腿吐司
帶點咬口嘅穀物麵包配以鹹香火腿，簡單但好食嘅配搭😛
🥐布里芝士牛角包
牛角包焗得夠脆口，夾住布里芝士、松露醬以及新鮮無花果，食落除咗有芝士嘅奶香🧀亦會滲出香甜嘅無花果汁💦鹹鹹甜甜，好食😋
🌯蜜糖豆腐墨西哥捲餅
健康配搭，意外地好食😋捲餅夾有豆腐、紅蘿蔔絲、香草鷹嘴豆泥，口感豐富😙
🥑牛油果鮮蝦他他
相對較惹味嘅鹹點，非常新鮮嘅鮮蝦他他配以番茄、羅勒、牛油果忌廉，濃濃嘅墨西哥風味😋😋
🧇蜜糖窩夫
可以無限任食！窩夫幾有蛋香，配酸酸地嘅洋甘菊忌廉，仲有一整排蜂巢，可以用無花果沾蜂蜜配窩夫食，幾好玩🤪
🍨雪糕
酒店招牌嘅自家製雪糕都係無限任食😻有泰式奶茶、薑汁撞奶、黑芝麻、熱情果、班蘭、冷萃咖啡、芝士蛋糕等12款口味，每款味道都好濃郁像真。咖啡同黑芝麻夠晒香濃🥰班蘭好特別，好似食緊新加坡個隻斑蘭蛋糕😆
🍹凍氣泡洋甘菊蜂蜜茶
飲品除咗大路嘅咖啡／茶之外，都有加入洋甘菊元素嘅飲品，特別清新🌼
人均消費：$380
推介指數（10分為滿分）：8分
Post
