文記火鍋

Open Now

Now Closed

阿婆生日我地去咗打邊爐，佢一向都鍾意打邊爐嘅，有時喺屋企都會打。本來話去D比較有特色嘅火鍋店，不過討論完覺得費事食完會難搭車返屋企，所以都係揀喺附近嘅餐廳食。阿媽話行幾個街口就有間火鍋店，我上網search就發現係文記啦。阿婆鍾意味道較清淡嘅湯底，特別係今日諗住叫活魚刺身打邊爐，所以揀咗胡椒花甲鍋，費事蓋過咗食物特別係海鮮嘅原味。活魚刺身真係好新鮮，D肉係光亮嘅，肉質晶瑩剔透，我地有點豉油食，阿婆就會打邊爐，味道一樣鮮美。再order咗雲吞同埋魚皮餃、墨魚滑、手打蝦丸、金菇、豬紅、唐生菜同埋本地手切肥牛等，都係非常美味。