兩合海鮮火鍋飯店

Open Now

Now Closed

琴晚心血來潮想食打冷！於是等男朋友放工後，就黎左呢度食喇！呢間打冷係我由細食到大，都好多年喇起碼1x年！近幾年我搬離左黃埔，所以有啲掛住佢特意返去食！兩個人嗌左3餸，第一碟係鹵水紅腸墨魚。佢有好多鹵水拼盤選擇，例如生腸鵝腸etc..自己可以單點雙拼又得～任你嗌～碟野墊底今次用左芽菜，老實講有啲失望😔之前都係鹵水豆腐墊底的，唔知今次係咪無哂豆腐定佢轉左啦～紅腸就無咩特別正正常常，墨魚就爽口有味 一啲都唔會硬到𡁻唔到！不過今次墨魚數量略少！然後就上埋椒鹽魷魚。以前都未喺度嗌過椒鹽魷魚，今次第一次食。個炸粉我覺得略嫌有啲多，同埋唔知點解會連埋啲辣椒仔一齊炸埋😂 個魷魚本體就好食嘅，係咬得開，唔係好難咬果隻～ 呢碟都ok ge!個金銀蛋浸時菜就正正常常無咩特別囉。呢碟無咩comment ,好多菜囉 一男一女都食唔哂😂間野位於紅磡街市樓上熟食層，所以唔好expect 環境會有幾衛生。不過整層呢間佔大部分客人都係幫襯佢，加上乞立左咁多年我由父母細過帶我黎食，足以證明佢係一直有捧場客。如果唔介意餐廳環境嘅時候，呢間打冷不妨一試，價錢尚算便宜。