方榮記沙嗲牛肉專家

Open Now

Now Closed

同腦公揼完骨，見有啲餓，出面又落梗雨涼涼地，梗係打邊爐最好。依間我第二次黎，第一次同朋友食覺得唔錯，今次反而就麻麻地。本身叫左個芫茜皮蛋，但姐姐推薦沙嗲湯底，咁就鴛鴦啦。坦白講：佢嘅沙嗲湯底係的確出色嘅👍🏻打邊爐點可以無牛呢，我個人鍾意手切牛，鍾意佢有口感，但佢依家切到連住晒，而且佢有口感，但無牛味👎🏻炸魚皮：佢嘅魚皮唔係出面常見個啲，比較厚身，多骨，而且好硬，一啲都唔脆🙄特別嘅係，佢有大光麵，比一般公仔麵爽口👌🏻整體黎講：都係一般野，唔差嘅，行過可以會再食，但唔會特登入九龍城搵佢。