老馮茶居 (荃灣千色匯II)

一開始俾佢個名吸引住因為叫老馮😂但係原來店裏便用六七十年代嘅裝修，感覺好懷舊！而且裝修得好靚！好多時平時啲酒樓都已經閂晒門，得返專門食點心嘅舖頭可以夜晚食點心！我哋點咗薑蔥牛柏葉，咖喱蒸魷魚，蟹籽燒賣王，鮑汁柚皮鴨腳札，古法千層糕同埋凍嘅薑汁燉鮮奶🍴佢哋全部都係即叫即蒸，嚟到嘅時候影一輪相都仲係超級熱👍🏽薑蔥牛柏葉個芡汁啱啱好！牛柏葉爽口彈牙，因為出邊好多時食牛柏葉我都咬唔爛😂然後咖喱魷魚嘅魷魚大大塊！同牛柏葉一樣都係好彈牙！不過如果咖喱汁可以傑身少少就完美啦😗蟹籽燒賣王超級大粒！而且仲有好多隻蝦！個人認為好推～然後見到鮑汁油皮鴨腳札係我未試過同埋未喺酒樓見過嘅～見佢寫住推介就試吓，因為見其他枱都有人食緊！嚟到個樣勁似雞扎～都係用腐皮包住鴨腳炆得好腍！柚皮其實好難整，仲要佢整到一啲渣都冇！出色！之後古法千層糕，我覺得有別於出邊嘅！依度嘅千層糕比較厚實，食落好飽肚最後個薑汁燉鮮奶，職員好好～一開頭問我哋使唔使後上然後見我哋差唔多食完會主動問我哋係咪而家上！鮮奶好滑～如果薑汁重啲嘅話就正啦（可能我比較重口味）整體嚟講性價比好高！其實想試佢啲砵仔飯，都只係30幾蚊～要下次試埋佢！同埋搽位都只