漢發麵家 (銀座廣場)

Open Now

Now Closed

以前食過深水埗漢發，記得佢嘅豬潤麵同西多士係好食，但礙於佢太早收工，假期又成日排長龍，所以好耐無去。最近知道佢喺旺角開咗分店，而且收得夜啲，就收工去試一試啦。叫咗一碗豬潤牛肉河，豬潤同總店一樣，好厚身又爽脆，牛肉就反而普通。漢發醬料好認真，有余均益、日清麻油，泰國胡椒粉去到西多士，漢發係用梳乎厘做法，但一上枱我發現舊牛油係盒裝anchor牛油，明明總店係用鮮牛油㗎，需知道牛油對一件西多嘅重要性呀！呢舊細細的盒裝牛油放落個西多士，完全係失哂色！雖然個西多都鬆軟，但無咗舊鮮牛油真係有啲失望，希望日後餐廳可以考慮用返鮮牛油。不過旺角店係坐得舒服，侍應服務都係好嘅。但係為咗個西多，下次會去返總店食。