胡同

Open Now

Now Closed

近年好多中餐廳都用上西式格調，設計上整體感覺比較精緻，位於尖沙咀Zentre嘅胡同都有呢種格調。環境方面比較昏暗，一入門口有一種入左酒店lounge嘅感覺，再加上落地大玻璃方便欣賞維港夜景。 🌕🌕🌕🌑🌑燈映牛肉味道唔錯，甜甜地，略嫌唔夠薄，唔夠通透 🌕🌕🌕🌑🌑火焰胡椒片皮鴨（半隻）會有師傳喺你面前花式翻熱隻鴨再片皮，除左觀賞之餘亦都令鴨皮更加香脆 🌕🌕🌕🌕🌑大紅燈籠高高掛辣椒煮軟殼蟹，辣椒好香，軟殼蟹鬆脆，但係以呢個排場黎講略嫌唔夠辣 🌕🌕🌕🌑🌑海龍皇簡單一個蟹肉湯 🌕🌕🌕🌕🌑麻辣蝦香脆爽口，唔夠麻唔夠辣 🌕🌕🌕🌑🌑鹹肉津白為左上枱嘅時候可以成朵花咁，同一般上湯浸嘅津白有少少唔同，比較爽口（硬身） 整體黎講菜式都係比較精緻，但係唔知係唔係為左遷就香港人口味，川式嘅麻度同辣度比想像中弱好多，無左個神髓，只係用好多辣椒堆砌左一個好澎湃嘅視覺辣度。食川菜就係想麻想辣，當然為左迎合市場而適量調整口味係在所難免，但係過度遷就市場就無左本來嘅特色。