Video
Read full review
2023-10-29
33 views
今日去咗啟岸商場搵嘢食，呢個商場嘅裝修真係又靚又高檔！嚟到呢間Still，係一間西日Fusion嘅餐廳，入到去，先有兩杯Welcoming drink，係萬聖節主題嘅Bloody Mary，辣辣哋咁又幾過癮！同埋有木魚蒜粒漬物做個前菜，味道濃郁！我哋就叫咗個「二人晚市套餐」（$698），可以揀三款Tapas、一款Main同一款甜品，我第一款Tapas係「招牌生牛肉他他」，牛肉他他好聰明咁加咗洋蔥粒同青瓜粒，令本身已經好鮮甜嘅牛肉，再添上咗一啲嘅甜味同口感，個感覺就更加fresh！而餐廳仲有好多種自家製嘅包，最plain嘅軟法包最襯他他，略帶微甜，可以突出他他嘅香味，另外佢哋仲有橙皮麵包同酸種麵包，兩種包都各有特色，就咁食都覺得好好味，令我更加鍾意呢個他他！另一款叫咗「香烤胡椒蟹肉餅」，呢款我都好鍾意，蟹肉餅有滿滿嘅肉絲，咬落外脆內軟，入面非常綿滑，加上食食吓又有啲胡椒味走出嚟，上面又淋咗啲蟹膏醬，味道十分豐富，亦都好有誠意。最後一款係「啤酒蒜片蝦」，呢款比我有啲中式嘅感覺，啤酒汁做底，上面係有啲避風塘風味嘅蒜片、辣椒絲，撈埋啲蝦嚟食，鹹香味突出，都幾惹味。主食我哋就叫咗「招牌西班牙海鮮
嚟到呢間Still，係一間西日Fusion嘅餐廳，
入到去，先有兩杯Welcoming drink，
係萬聖節主題嘅Bloody Mary，辣辣哋咁又幾過癮！
同埋有木魚蒜粒漬物做個前菜，味道濃郁！
我哋就叫咗個「二人晚市套餐」（$698），
可以揀三款Tapas、一款Main同一款甜品，
我第一款Tapas係「招牌生牛肉他他」，
牛肉他他好聰明咁加咗洋蔥粒同青瓜粒，
令本身已經好鮮甜嘅牛肉，再添上咗一啲嘅甜味同口感，
個感覺就更加fresh！
而餐廳仲有好多種自家製嘅包，最plain嘅軟法包最襯他他，
略帶微甜，可以突出他他嘅香味，
另外佢哋仲有橙皮麵包同酸種麵包，兩種包都各有特色，
就咁食都覺得好好味，令我更加鍾意呢個他他！
另一款叫咗「香烤胡椒蟹肉餅」，
呢款我都好鍾意，蟹肉餅有滿滿嘅肉絲，咬落外脆內軟，
入面非常綿滑，加上食食吓又有啲胡椒味走出嚟，
上面又淋咗啲蟹膏醬，味道十分豐富，
亦都好有誠意。
最後一款係「啤酒蒜片蝦」，
呢款比我有啲中式嘅感覺，啤酒汁做底，
上面係有啲避風塘風味嘅蒜片、辣椒絲，撈埋啲蝦嚟食，
鹹香味突出，都幾惹味。
主食我哋就叫咗「招牌西班牙海鮮炒飯」，
飯底偏淋身，有好濃重嘅茄香味，食落口感較Creamy，
其上嘅海鮮真係好足料，除咗有常見嘅魷魚圈外，
特別欣賞餐廳加咗一啲日本元素，有三文魚籽同炙燒左口魚邊，
三文魚籽令個飯多咗種另類嘅風味，成件事會refreshing咗好多，
而左口魚邊入口即溶，油脂味重，估唔到又同個飯幾夾！
炒飯份量都多，兩個人Share食都好夠！
甜品就試咗「煙韌之選」，
有兩款蕨餅，一款係配黃豆粉，另一款係配綠茶粉，
軟糯嘅蕨餅加上好香嘅調味粉，有種甜甜嘅幸福感。
另外一款熱辣辣嘅係有西班牙油條之稱嘅小吉拿棒，
咬落蛋香味十足，配上朱古力醬，邪惡得嚟又超級好食。
餐飲第二杯免費，我哋就叫咗一杯「招牌西班牙水果茶」（$58）、一杯「鮮奶咖啡」（$45），
水果茶有多種水果嘅風味搭配，飲到嘅有香橙、蘋果、藍莓等等，十分鮮美；
咖啡就較濃，有啲焦香嘅風味，個杯都好靚！
最後店員仲送多咗兩塊曲奇比我哋試吓，好可愛！
Post
