Misu Seafood Cuisine

Open Now

Now Closed

合和對面有間主打西日菜式嘅餐廳，由兩兄妹打理，因為家族經營海鮮批發生意，所以可以直接向供應商取貨，攞到唔新鮮又特別嘅海產！餐廳環境開揚舒適，坐落都幾舒服😌前餐有野菜同粒粒魚生沙律，調味適中，份量都啱啱好，擺盤精緻，作為前菜十分開胃，令人食慾大開！刺身有帶子、三文魚、鮑魚等，新鮮，鮮甜，厚切啖啖肉、配著熱呼呼嘅面豉湯，讚👍主食有蟹膏蟹肉迷你丼配吞拿魚小卷及刺身，呢個搭配好可愛，可以一次過食到丼飯、壽司同刺身！蟹膏肥美，好鮮甜，飯粒粒分明、小卷餡料飽滿、甜蝦入口滑溜～ 另外有紅酒燴和牛面頰，呢款有驚喜，牛面頰煮至淋身，老少咸宜，而且好掛汁，配上熱辣辣嘅白飯相當滿足、最後以紅豆雪糕作結，估唔到下面仲有早餐麥片脆脆，口感豐富，正呀！