El vaso de oro hk

Open Now

Now Closed

又到節日，緊係要食返啲西班牙嘢賀一賀佢。Weekend去左上環西街一間西班牙嘢食lunch, 裝修都幾有feel。嘢食選擇都好多，今次就專登試平時比較冷門嘅西班牙Tapas。先嚟一客法包配蜂蜜牛油醬，個醬汁好濃厚，超級邪惡。仲試咗炸羊奶芝士配法包，羊奶芝士味道都幾濃烈，炸過更令芝士有少少流心效果，配鼠尾草都幾特別。另外叫左西班牙蛋餅都唔錯，有好香蛋味，入面有好多薯仔都幾正。之後再有西班牙燉牛肚，感覺幾似中式，另外有D辣肉腸一齊燉煮都幾有西方風味，而肉質都幾腍。再叫左一份辣肉腸，配上酸酸地嘅醃洋蔥，都幾開胃。平時火腿芝士就食得多，今次仲叫左Parma Ham火腿配碎芝士，每一啖都充滿鹹香。最後就係阿根廷紅蝦作結，隻蝦燉煮得好入味，蝦膏亦好甘香，個汁點埋麵包食，一流！埋單食左一千蚊，大滿足！