ROJO

Open Now

Now Closed

大家都知道，天后條電氣道，可以話係『美食一條街』。街道兩旁，或者轉入橫街都可以好容易搵到美食。但大家可能好容易就忽略左，係木星街呢條『掘頭巷』，其實係有間幾唔錯既西班牙餐廳—ROJO。早兩晚，同老婆係天后電氣道附近搵食，其實大大小小既餐廳都試過咁滯，但search下又搵到一間評分相當唔錯既西班牙餐廳，咁當然就即刻去試下啦。入到餐廳，除左一般排得整齊既餐枱，右邊係吧枱，整體格局同佈置都幾有情調。到點餐，由於平時無乜試過西班牙餐，就上網睇下有咩推介，最後叫左：蒜蓉蝦，西班牙蛋餅，同埋西班牙海鮮飯。先講下個蒜蓉蝦，佢個汁既味道真係一流，如果撈埋白飯食應該係一絕。加上佢剝左蝦身既殻，唔洗你搞一輪先食到隻蝦。跟住到個蛋餅，今次都係我第一次食，估唔到都有啲驚喜，配埋佢面頭個sauce食，我估一個人都可以食晒一份蛋餅。最後到個飯。飯既味道好唔在講，佢面頭果啲海鮮，包括有青口，蜆，魷魚，蝦，都一樣好味。總括泥講，呢個Rojo既翻食指數相當高，相信如果大家去試下，應該都會有驚喜！