頑石燒肉所 (Closed)

經過幾次「頑石燒肉所」都見到有人排隊，我同老公今次就趁早去，終於有位🥰小店大概有二十個座位，樓底高，充滿日式設計嘅裝修🗻加上J-pop音樂🇯🇵氣氛熱鬧又有特色。餐廳提供好多唔同肉類部位嘅石燒選擇，我就揀咗澳洲M9和牛牛肩脊里肉 ($188) 🥩肉質細膩柔軟，質地鮮嫩，富有彈性，燒起上嚟牛香噗鼻。套餐（+$38）仲有日式玄米茶🍵蜆肉麵豉湯同埋沙律🥗溫泉蛋紫菜飯（+$10）飯粒口感柔軟綿密，帶有細緻嘅甜味。溫泉蛋🥚蛋黃濃郁而滑順，混合紫菜與白飯，簡單而美味🍚除咗石燒之外，餐廳仲可以轉日式關西風壽喜燒鍋 (+$38)，老公揀咗澳洲M9和牛側腹橫隔膜($178)🥩肉質腍滑，脂肪質地細緻，能夠喺口中融化。湯底風味濃郁而清爽🍲能夠提升食材嘅鮮美。配菜豐富，有茄子、菇片、翠玉瓜、娃娃菜、金菇、燒豆腐、芋絲等，令料理更加均衡同營養豐富🥬值得一讚嘅係店員親切有禮，就算非常忙碌，要同時兼顧落單、上菜、拾枱、埋單都好，佢哋都好有效率。我見到有客人掛住傾計，無找錢就走，店員都即刻追出去俾返D錢佢哋！好老實👍🏻到我哋準備離開嘅時候，餐廳都已經坐滿晒🈵如果大家想去試的話，記住先訂位呀😉