Video
4-min walk from Exit B1, HKU MTR Station
continue reading
Introduction
This is a Japanese-style restaurant specializing in Ishiyaki Wagyu, with a trendy street-style ambiance and comfortable environment. The restaurant recommends dishes such as cutlet rib, Wagyu Sukiyaki, and Donburi set meals. They also offer all-you-can-eat beef tongue with reasonable prices.
continue reading
Opening Hours
Mon - Sun
12:00 - 16:00
18:00 - 22:00
Public Holiday
12:00 - 16:00
18:00 - 22:00
Public Holiday Eve
12:00 - 16:00
18:00 - 22:00
Above information is for reference only. Please check details with the restaurant.
冇諗住俾comment，因為而家香港啲生意都好難做。只有一個疑問啫，點解咁多好評？我食完之後真係覺得味道麻麻，同埋啲和牛都好流。同日本啲牛真係兩回事。有冇人有同人嘅感覺？
continue reading
之前去開石塘咀經過頑石見到個 menu 好似幾正 價錢又合理就 bookmark 咗想嚟試吓今日即日 book 都 book 到環境 🟨🟨🟨⬜️⬜️小店唔係話好多枱個人覺得張枱坐得唔太舒服對腳會俾枱底果碌鐵柱頂住🫠環境乾淨 通風ok食完唔算話好臭整體食物 🟦🟦🟦🟦⬜️叫咗一個澳洲 M9 一個 A4和牛試吓有咩分別兩份都係石板燒溫度保持得好穩定又可以自己控制牛嘅生熟度• 澳洲 M9 和牛牛臀肉蓋 • $188牛臀肉一向好適合用嚟燒 所以想試睇落唔算話好多油脂但係燒起嚟會迫咗d油出嚟 好 juicy• A4 黑毛和牛厚切三角腩片 • $168油脂分佈好均衡 色澤較上面澳洲果款紅嫩我哋鐘意燒到大約5成熟肉質好嫩滑• 溫泉蛋紫菜飯 • +$38 轉套餐再 +$10日本蛋就唔駛講啦配埋牛牛超夾 紫菜又好多呢個非常推薦 一定要加呀
continue reading
今日係西營盤揾食，見到呢間日式石板燒燒肉好似唔錯幾吸引。我同朋友叫咗一份牛三角腩片set，另一份吉列牛set，兩份都加套餐(飯、湯、沙律同飲品)，再升級個普通白飯做牛蒡燒肉汁紫菜拌飯。A4黑毛和牛厚切三角腩片雖然佢唔算厚切，但肉質好好食。肉同肥一半一半，雪花幾靚，我個人都唔鍾意食太多肥膏，但呢款牛燒完可以逼翻好多油出黎，又保留到個肉質。一共都有10塊左右，我食咗一塊已經停唔到口，因為佢唔算厚，所以兩邊輕輕燒就食得。A4黑毛和牛吉列牛吉列牛以呢個價錢份量有啲少，得5塊。吉列皮唔厚，再係石板燒，好香。我食咗一塊，肉質就冇牛三角腩片咁腍，咬落有啲油。牛蒡燒肉汁紫菜拌飯呢個組合又係好好食，完全冇得輸，就咁食都已經可以輕鬆食晒成碗。日本珍珠米再加醃過嘅牛蒡紫菜同燒肉汁，再加埋燒完牛咁夾埋黎食，就係正，如果黎食野，一定要加錢轉呢個飯。但佢可惜係個飯有啲腍，如果可以乾身啲會好啲。整體嘅燒肉餐係有啲貴，加埋set都要200頭一個人，但以A4黑毛和牛厚切三角腩片餐黎講，我覺得係值嘅個價，出面有其他餐廳呢個價錢嘅牛都係好韌，但呢間嘅肉腍之餘份量都多，食完好滿足，久唔久食一次係接受到。餐廳環境都佈置到好似入咗日本居酒屋咁，貼滿日式poster同裝飾。仲有一點係當日冷氣唔太夠，唔知係咪因為開舖冇耐，再加上我地食燒肉對住個火，所以有啲熱。另外見到如果係hku學生仲有9折。
continue reading
.‼️❤️ 記得CLICK我PROFILE關注我呀 ❤️‼️.🔥 Y̾a̾k̾i̾n̾i̾k̾u̾ ̾G̾r̾i̾l̾l̾ ̾H̾o̾u̾s̾e̾ @ 🌟 頑石燒肉所《👽食神大媽食烤肉》.💁♀️ 圖片展示美食為：Beef Tongue Two-way HKD 138M9 Australian Waygu Zabuton HKD 188Yakiniku Set+ HKD 38Egg yolk and Seaweed Rice + HKD 10Burdock and Seaweed Mixed Rice + HKD 12Chicken Skin Dumplings HKD 48Grape SodaPeach Oolong Tea.👽 朋友仔係區內街坊，見呢間烤肉專門店門口宣傳性價比好高，就約埋大媽一齊黎試下先。的確價錢幾優惠，仲可以用優惠價配套餐，有齊蜆湯、沙律、飯、飲品。.👅 我地叫左兩份套餐一齊分享。首先係「牛舌二食」 ，同時有厚切牛舌芯同牛舌薄片！肉身幾肥美，肥而不膩，放上舊石度燒，自己控制生熟度，超爆香！.🥩 另一份就係「澳州M9和牛牛肩里脊肉」，M9和牛嘅油花分佈得好均勻，好嫩滑，再配上特製醬料，食落好有滿足感。.🍚 加配套餐嘅飯都可以用優惠價升級，我地就分別升級做「溫泉蛋紫菜飯」同「牛蒡燒肉汁紫菜拌飯」。前者嘅流心溫泉蛋真係勁滑溜，篤開撈落紫菜飯，仲要配埋燒肉汁，超療癒！後者就有牛蒡嘅香脆口感，散發淡淡香氣。.🥟 口痕好想試埋小食，叫左香口嘅「雞皮餃子」，每一隻都幾大件，啲餃子用雞皮包住仲要超香脆，好邪惡但好味。.🍇 飲品方面套餐會包埋，「提子味汽水」同「白桃烏龍茶」都幾解油膩同消濟。.😆 餐廳仲要超識宣傳，只要係同區街坊或者港大學生就可以有折，所以性價比真係高，有機會記得試下。.📍 西環西營盤皇后大道西393號地舖📲 +(852)9549-7771.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.
continue reading
今次多得HKU朋友仔帶我哋去呢間小店食燒肉，店舖貼滿日本懷舊poster，而且播放著日文歌，猶如置身日本燒肉小店🥢牛舌二食 (厚切牛舌心、牛舌薄切) $138 牛舌薄切，雖然薄薄地，但係牛味都幾濃，有咬口感得嚟又唔韌厚切牛舌心爽口Q彈，就算燒得耐都仍然好juicy，每樣有6片，份量都幾多🤩🥢澳洲M9和牛牛肩里脊肉$188 牛味濃郁，質地有口感，就算煎耐咗都好好味，有8片份量亦唔少我哋除咗係食肉獸之餘亦係澱粉質控，飯一定唔少得，而且呢喥只需加$38就有套餐，包括有白飯、蜆湯、雜菜沙律及汽水另外加$10就可升級溫泉蛋紫菜飯，溫泉蛋係採用日本雞蛋，蛋香味濃，並灑上大量紫菜，令成碗飯嘅好味指數 double up↗️，順帶一提店舖係使用日本新瀉米而加$12就升級牛蒡燒肉汁紫菜拌飯，牛蒡絲及紫菜完全充分地混合白飯，非常香口惹味，好味程度係…就算冇餸都可以食哂成碗飯😋調味方面有岩鹽、柚子胡椒及燒肉醬汁有燒肉又點可能無酒，我哋叫咗Sapporo及Asahi，前者比較清香女性化啲而後者就入於大人苦澀少少，各有風格食完先發現有呢個優惠，就係凡惠顧任何定食套餐，就有一小時任食牛舌，只需加$98🤩，下次一定要食😝呢間小店仲唔收加一服務費添🤑
continue reading