鳴虎 (順昌大廈) (Closed)

厚和街出名多甜品，估唔到仲有得食正餐。今日餓餓地去咗新開嘅鳴虎食拉麵。我叫咗黑鳴虎（博多黑蒜油拉麵），豬骨湯底黑蒜味夠，一擺低已經聞到，而且仲有配菜木耳、流心蛋同紫菜。拉麵麵身彈牙又入曬味，叉燒脂肪充足，食落去邪惡得嚟好滿足。朋友就叫咗蒲燒鰻魚丼，鰻魚肉夠軟身，鰻魚汁不多不少、份量適中，仲落咗芝麻調味，食落有芝麻香。珍珠米煮得夠軟熟，仲有少少玉子絲。我哋追加咗肉餃子同鰹魚汁浸蔬菜，肉餃子炸得啱啱好，皮脆多汁。印像中未試過鰹魚汁，少少酸酸地並帶有木魚香味，菠菜非常新鮮翠綠，食落爽口。