泰誇張

Open Now

Now Closed

假日同朋友到西環食午餐，由香港大學站B1出口行去店舖只係2分鐘路程，去到門口見到用綠色為主調裝修，門口放有Bar枱及4張櫈，夜晚時候坐係到食野，一定好有feel；店內地磚五顏六色好特別，環境舒適，坐得舒服口感酸甜微辣嘅 [ 泰式酸辣清湯 $78 ] 越飲越好開胃，配料好豐富，有大蝦、青口、菇類等等，帶鮮味又好飲[ 粉絲蝦煲 $168 ] 非常豐富，粉絲份量好多，粉絲藏係底，面層放有好大大隻大蝦，口感鮮味彈牙，十分開胃[ 泰國辣椒膏炒 - 青口 $108 ] 用泰式辣醬炒香青口，用咗多款泰式調味料煮成，微甜微辣，青口肉質嫩滑，食落口感豐富，充滿住泰式風味嘅菜式上枱已經散發住陣陣香味嘅 [ 鹹蛋魷魚 $108 ] 鹹香味十足，味道帶少少甜，外皮脆口，外皮沾滿鹹蛋香，魷魚口感十分彈牙結實，仲唔會好油膩，食到停唔到口食泰國菜就要叫埋 [ 泰式生菜包 $88 ] 滿滿香辣豬肉碎，用新鮮生菜包住一齊食，肉碎口感香辣又惹味食泰國菜必叫 [ Young Coconut $55 x2 ] 口感清爽甘甜，夠哂解暑消渴，係天然清涼飲品