Video
Read full review
2024-02-29
944 views
去西貢食海鮮一定想起「天天好海鮮酒家」，之前已經寫過食評，最吸引之處就係食得好放心，唔會食完埋單價錢不似預期。午市同晚市加工費都係一樣，價錢公道無隱藏收費，按人頭收加工費，今次我哋四個人到西貢買海鮮，自來料每碟加工費$75，刺身加工費$120，酒家都可代買海鮮，報價之後實報實銷，去到問返店員，食前了解價錢就食得好放心。⋄ 碼頭艇仔檔 ► 游水方利 (3條) $300❖ 鹽蒸方利 (加工費) $75游水方利唔係成日會遇到，西貢都算多，游水方利咁新鮮又靚，仲要唔細條，當然食蒸啦，撒啲鹽加蔥清蒸，魚肉超滑，魚味勁鮮，如果食炸，可能會俾人笑嘥料唔識食，當然漁民遇到靚魚都係平常事，照炸可也。⋄西貢街市 ► 懵仔魚扒 (1塊) $70❖ 煎封懵仔魚扒 (加工費) $75到街市魚檔買，想要幾厚就切幾厚。魚扒厚肉，簡單煎封已經相當美味，皮脆肉嫩，肉質實在，油份較重，豉油另上。⋄ 碼頭檔 ► 滑仔魚乾 (1袋) $50❖ 薑絲豉油熟油蒸魚乾 (加工費) $75碼頭檔口總會見到有一袋袋魚乾賣，間間唔同，可以問返船家就知係用咩魚曬乾，呢種魚乾唔屬於鹹魚，似一夜干啲friend，唔會曬到乾晒，有少少濕潤，較鹹
鹽蒸方利
53 views
0 likes
0 comments
⋄ 碼頭艇仔檔 ► 游水方利 (3條) $300❖ 鹽蒸方利 (加工費) $75
游水方利唔係成日會遇到，西貢都算多，游水方利咁新鮮又靚，仲要唔細條，當然食蒸啦，撒啲鹽加蔥清蒸，魚肉超滑，魚味勁鮮，如果食炸，可能會俾人笑嘥料唔識食，當然漁民遇到靚魚都係平常事，照炸可也。
70 views
1 likes
0 comments
❖ 煎封懵仔魚扒 (加工費) $75
到街市魚檔買，想要幾厚就切幾厚。魚扒厚肉，簡單煎封已經相當美味，皮脆肉嫩，肉質實在，油份較重，豉油另上。
⋄ 碼頭檔 ► 滑仔魚乾 (1袋) $50❖ 薑絲豉油熟油蒸魚乾 (加工費) $75
碼頭檔口總會見到有一袋袋魚乾賣，間間唔同，可以問返船家就知係用咩魚曬乾，呢種魚乾唔屬於鹹魚，似一夜干啲friend，唔會曬到乾晒，有少少濕潤，較鹹魚淡口。簡單薑絲豉油蒸，送飯佐酒一流。買一包今次蒸咗一半，一半攞返屋企，放飯面蒸。
⋄ 碼頭艇仔檔 ► 大尾魷 (1條) $150❖ 大尾魷刺身 (兩食) (加工費) $120
大尾魷係魷魚界中嘅極品，買一隻魷魚兩食，肉身部分刺身，大廚刀工了得，切成大薄片晶瑩透明，勁新鮮，入口柔軟黏黏的口感，強烈鮮甜味，好鍾意，食唔停口。
60 views
0 likes
0 comments
泰式金沙係呢度獨有嘅style ，用魷魚鬚同埋啲邊位嚟做，醬汁有番茄同埋蛋漿，香辣少少酸甜，熱辣辣好惹味。
❖ 羊腩煲 $338冬天就最啱，大煲多料，羊腩入味軟腍，啖啖肉，筋皮位都炆得腍，膠質豐富，完全無羶味，連麻麻地食羊嘅我都食咗好多嚿，枝竹同冬菇吸收晒湯汁嘅精華，最後淥唐生菜。
❖ 蒜蓉炒豆苗 $108豆苗翠嫩，口感爽脆，蒜蓉芡汁包裹住每棵菜，熱辣辣夠晒鑊氣。
❖ 北菇蒸雞 $88雞件入味，混合北菇、雲耳一齊蒸，醬汁香濃，味道豐富。
#天天好海鮮酒家地址：西貢市場街41號地舖
Post
