串燒王 (登龍街)

Open Now

Now Closed

夜晚唔想食太飽，串燒可以話係不二之選。難得去開銅鑼灣，就去咗登龍街串燒王到試下。入門口之前已經見到餐牌上面有好多唔同款式既野食，除咗串燒，仲有麻辣香鍋，一品小食同埋炒粉麵飯等等。由我地坐低開始，基本上外賣單係從來都冇停過，嚇咗我地一跳。😆😆堂食唔算好多座位，但都算夠空間，而且地方整潔。落單後好快就黎咗錫紙花甲粉，花甲細細隻，但分量好多，而且冇乜沙，而粉係類似粉絲，爽口帶少少咬口。調帶少少辣味，辛口刺激，個人幾鐘意。😊😊蒜蓉燒原條茄子好大條，加上大量既蒜蓉一齊燒，非常之香。火候控制得好好，茄子肉唔會痴住啲皮，而且茄子好juicy好好食。之後就係五花腩肉串同埋牛舌心串 花花腩切成粒狀，好易入口，五花腩肥瘦分明，用少少鹽調味已經好出色。牛舌心好厚切，肉質軟冧嫩滑，唔錯。💕💕最後我地叫多個焦糖燒香蕉同芝士年糕，芝士年糕炸得好乾身，唔會油淋淋。而燒香蕉外皮既焦糖脆卜卜，啱晒留返最後做甜品，加上串燒都係帶咸同辣，用甜野中和返就啱晒。😄😄