Video
Read full review
2023-05-28
94 views
想同大家分享一間法式私房菜位於銅鑼灣利園附近，地方就腳最重要係價錢親民，用料上乘呢度嘅大廚Azmi乃米芝連二星副廚想一嘗法國菜？米芝連level？Lunch set 約人頭 $300 有交易👌心動不如行動快快book位（members only，walk in 🚫）夏天想食啲fresh啲嘅開胃料理就啱曬最新menu以本地檸檬入饌，微酸醒胃🍋加上大廚本身來自巴里嘅root法國菜帶點東南亞twist，非常咁夾由餐湯到主菜到甜品到餐茶，一絲不苟本來想續一介紹，但我估寫幾千字都寫唔曬😂因為每一道端上枱嘅都係大廚心血結晶大部分食材至調味料都係餐廳start from scratch容許我只介紹主菜，其餘由有興趣嘅你慢慢發掘Duck leg confit risotto with chef Azmi’s lemony Vietnamese Nuoc Chem sause實不相暪其實我一向少食鴨，怕左陣酥味但呢度嘅油封鴨腿真係一試難忘怕且我只可以返嚟呢度先食到鴨喇🙈鴨腿以鴨油低溫慢煮足36小時肉質嫩滑，呈微微粉紅色靚油食落係零舍唔同，唔油膩，好舒服醬汁係大廚秘製嘅檸檬甜酸醬沾鴨腿肉食，又有另一番風味
想同大家分享一間法式私房菜
位於銅鑼灣利園附近，地方就腳
最重要係價錢親民，用料上乘
呢度嘅大廚Azmi乃米芝連二星副廚
想一嘗法國菜？米芝連level？
Lunch set 約人頭 $300 有交易👌
心動不如行動快快book位
（members only，walk in 🚫）
夏天想食啲fresh啲嘅開胃料理就啱曬
最新menu以本地檸檬入饌，微酸醒胃🍋
加上大廚本身來自巴里嘅root
法國菜帶點東南亞twist，非常咁夾
由餐湯到主菜到甜品到餐茶，一絲不苟
本來想續一介紹，但我估寫幾千字都寫唔曬😂
因為每一道端上枱嘅都係大廚心血結晶
大部分食材至調味料都係餐廳start from scratch
容許我只介紹主菜，其餘由有興趣嘅你慢慢發掘
Duck leg confit risotto with chef Azmi’s lemony Vietnamese Nuoc Chem sause
實不相暪其實我一向少食鴨，怕左陣酥味
但呢度嘅油封鴨腿真係一試難忘
怕且我只可以返嚟呢度先食到鴨喇🙈
鴨腿以鴨油低溫慢煮足36小時
肉質嫩滑，呈微微粉紅色
靚油食落係零舍唔同，唔油膩，好舒服
醬汁係大廚秘製嘅檸檬甜酸醬
沾鴨腿肉食，又有另一番風味
意大利飯用左五種高湯濃縮煮成
食落真係啖啖精華🥺因為佢非常濃郁
到食到覺得膩，就食一片漬物清清味蕾
漬物都係大廚自家醃製，清爽微酸
唔係坊間一味酸嘅白醋之流
整體配搭得意，份量甚大
打破法國菜就係細細得一啖‼️
私房菜就係貴夾唔飽嘅定律‼️
Crispy pork belly, lemon garlic butter sauce, mashed potato
五花腩你以為好肥膩？非也！
食落又如食花膠一樣滿滿膠原
中間層脂肪已經溶化為一體
而面層嘅豬皮則烤到卜卜脆
調味啱啱好，由皮至肉都係好入味
製作過程相當考功夫，足足四日先可端上枱
中間嘅薯蓉望落去似隻太陽蛋？
其實係檸檬蒜香牛油
薯蓉本身冇加牛油，奶，忌廉，芝士
取而代之係椰醬，食到一陣椰香
混上中間嘅檸檬蒜香牛油
滑一滑，好味到清碟
一樣喇，食到咁上下，食一片漬物洗洗味蕾
想講一講，聽落好似好多油好油膩？
鴨油同橄欖油都係好好嘅油脂
食落去係舒服唔會油膩
甚至係血管清道夫，抗血管發炎
所以呢一餐可以講得上越食越健康👍
蛋白質同油脂比例幾好，少少碳水
奉行低碳飲食人士非常適合㗎！
Avocado, mushrooms, lemon, fresh egg pasta
貫穿檸檬主題，主菜中至檸檬係佢喇
檸檬牛油果醬超級清新，酸微微勁醒胃
意大利麵係自家製，用上蘭王蛋
意粉彈牙有口感不在話下，仲蛋味濃郁
順帶一提，呢度大部分料理
均不用芝士、松露油等烹調
以免蓋過食物之原味！
不求捷徑，認真對待食材嘅態度令人感動！
龍蝦湯，中間係檸檬牛油果醬
蕃茄薄荷湯
檸檬雪紡蛋糕配云呢檸檬雪糕
香蕉roti配牛油果&芒果espuma配Chai雪糕
法國餐茶作結
都係嗰句，lunch人頭約$300左右
淨係食材料已經值回票價
都未講廚師嘅心機同私房菜服務質素
真心係非常之值得支持嘅小店
我最近都有食過一啲集團連鎖餐廳
求其打下咭嘅食店人頭都要三百左右
但一定就食唔到呢度嘅級數
你想香港邊類型嘅餐廳生存？其實你有話事權的💪
Post
