彩羽壽司家

Open Now

Now Closed

呢間餐廳主打席前廚師發辦，最特別係有東京七龍珠太卷同即製日式刨冰🇯🇵🥢廚師發辦 ($450)💗沙律沙律菜新鮮爽脆，配上車厘茄同粟米，以柚子醋調味，酸酸地好開胃🥗💗日式蒸蛋蒸蛋口感滑溜細嫩，表面鋪上帆立貝同海苔高湯茨汁，入口鮮味暖胃🥚💗刺身4款1️⃣鯛魚：真鯛配上和歌山梅醬，酸酸地幾特別2️⃣帆立貝：火炙醬油帆立貝肉厚鮮爽，包住紫菜一齊食3️⃣鮟鱇魚肝：鮟康魚肝醬好似雪糕咁濃郁香滑，配上鬆化最中餅4️⃣鰤魚：煙燻鰤魚口感厚實，帶濃濃煙燻香氣同輕微炙燒嘅味道💗壽司8件1️⃣金目鯛：金目鯛鮮嫩柔滑2️⃣北寄貝：北寄貝爽脆，加入青檸汁提升鮮甜3️⃣深海池魚：深海池魚爽口，充滿魚鮮同油脂4️⃣赤身：赤身口感柔軟，魚味濃郁5️⃣瀨尿蝦：瀨尿蝦鮮嫩清甜6️⃣墨魚：墨魚爽脆黏糯，以柚子激發鮮味7️⃣海膽：海膽色澤呈深橙色，Creamy甘甜8️⃣拖羅：拖羅肥美入口即溶，油脂豐富💗玉子燒玉子燒口感有d似蛋糕，帶甜甜地蛋味🍳💗彩羽太卷太卷包住海膽、拖羅、赤身、醬油漬蛋黃、小青瓜，一啖有齊多種滋味同口感🍣💗麵豉湯麵豉湯加入蘿蔔、昆布同豆腐煮成，鹹味足夠🍲💗甜品師傅即場刨製刨冰，刨冰好似雪花咁綿密🍧加入水芒果醬、煉奶同芒果肉，甜到入心！🥭