Video
4-min walk from Exit A1, Wan Chai MTR Station
continue reading
Telephone
39967647
Additional Information
外賣餐牌只限walk in堂食
午市套餐/特價單點全日供應
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
About Reward Scheme
Offers
港島抵食午市omakase，人均$500吃爆七龍珠太卷！・・・・・・・・・・・・・・・・・・・・💚 廚師發辦 HK$480＞沙律＋茶碗蒸＋刺身4款＋壽司8貫＋手卷＋玉子燒＋麵豉湯＋甜品🐟 真鯛：正常白身魚，偏乾身～🦪 大分縣真蠔：新鮮肉厚但唔算濃郁，有加辣汁幾香，吊起蠔鮮味，幾滑身～🐟 煙燻鯉魚：幾酸嘅白身魚，邊邊有黑椒煙燻到，鹹香中和返酸味🐟 鰤魚：鹹酸相間幾特別，入口油潤順滑🐟 貝柱：有啲太乾了，加上本身貝柱冇咩味，小小失望TT🐟 池魚：正常白身魚啦，冇咩特別～🍣 太卷：鮮甜！吞拿魚、海膽都新鮮濃郁，特別蛋黃有用醬油醃過，入口豐富好食嘅！🐟 鮟鱇魚乾泡芙：好似蟹膏味，好濃郁！加上泡芙好脆，極重牛油香，有少食鹹味嘅泡芙，印象幾深刻而且好食！🍣 赤身：純純正正嘅吞拿魚香甜！掂嘅～🦐 瀨尿蝦：鮮甜蝦香，想像到嘅好食，不過上面啲粉冇味，唔知咩東東嚟XD🐟 右口魚：極重油香，加埋櫻花蝦係畫龍點睛！軟嫩，入口即融，燒香嘅魚油極正！！🍣 拖羅：鮮甜，重脂香，軟嫩香滑，但無可避免地有小小筋～🍣 昆布海膽：同樣鮮甜濃郁，昆布好重海水味，包住鮮甜厚肉海膽，係好鮮甜，加埋Wasabi中和返甜味，極掂！🍧 刨冰：加錢揀咗蜜柑味刨冰，好綿密，0冰感，鮮甜嘅！但冇乜生果，sad了～🥩 蒜香一口牛飯 HK$98・味道：加錢試了個熱食，醬汁香甜，香蔥炸蒜夠惹味，但牛冇咩特別，亦都冇乜牛味，正常發揮啦！・口感：有啲有筋，但整體鬆軟，唔似係用鬆肉粉乸過嘅～・・・・・・・・・・・・・・・・・・・・🤰性價比：高～🤰9衝度：9衝～🤰結論：呢個價錢嚟講性價比好高，食物新鮮食材高質，但醋飯真係太酸，酸到食每款壽司都蓋過魚生味🥶～想weekend食個開心高質靚日式lunch，呢到係個不錯嘅選擇！・・・・・・・・・・・・・・・・・・・・daitouball
continue reading
最近心血來潮又想食omakase，系灣仔搵到一間夜晚人均1000蚊都吾洗嘅，就食到多款菜式～更可欣賞師傅席前製作刨冰😁🍧十分多花款，難怪平日亦滿座😳✿ 前菜2款鱈魚乾同埋佐子鱈魚春，鱈魚乾對於好中意香口野嘅我黎講次次都清曬😆香脆可口，沾上蛋黃醬更美味。佐子鱈魚春配以無花果同日本蕃茄🍅鱈魚春吾腥，無花果香甜清新。✿ 鮟鱇魚肝泡芙平時omakase都會食到鮟鱇魚肝，有啲餐廳會做到好腥，呢度就冇呢個問題，吾腥之餘同泡芙嘅爽脆輕易融合。✿ 茶碗蒸裡面蜆肉新鮮冇沙，雞蛋蛋味濃郁🥚食到陣陣柚子味頗清新💛✿ 刺身真鯛 帶子 煙燻鰹魚 ，真鯛表面有梅蓉，真鯛薄片得黎魚味又算出，梅蓉帶點清甜。帶子爽口彈牙，煙燻鰹魚師傅整煙燻之前會比客人先拍照📷泡泡效果好得意😆🫧煙燻味好勁。✿ 串燒5串有豬腩肉🐷阿波尾雞翼🐔大蝦🦐大蔥 車厘茄🍅豬腩肉肉質肥美，油脂豐富。阿波尾雞翼好大隻，外脆內軟，雞皮脆卜卜，雞肉嫩滑。大蝦燒得爽口彈牙。車厘茄頗有驚喜，吾會太酸，有解膩作用。✿ 和牛壽喜燒壽喜燒好多人中意食，和牛有入口即溶感覺😍油脂分佈均勻，壽喜燒湯底香甜，同和牛系天作之合🐮加埋日本蛋黃令和牛層次更能提升。✿ 壽司6貫有鰤魚 牡丹蝦 甜蝦 拖羅 貝柱 海膽，鰤魚系近年omakase幾常見，平時食開嘅口感較實在，呢度竟然系軟稔😳油香不俗。牡丹蝦同甜蝦表面亦有蛋黃粉，兩者同樣十分新鮮🦐拖羅油脂多，入口即溶☺️貝柱一粒粒口感十足🤍海膽向來系大家最愛🧡✿ 吸物鯛魚呈奶白色，魚味香濃🐟裡面有吾少本菇。✿ 彩羽太卷講到餐廳招牌菜，非彩羽太卷莫屬！又名為龍珠壽司卷，材料有海膽 拖羅 赤身 青瓜 醬油漬蛋黃，色彩鮮艷❤️🩷🧡💚各款受歡迎刺身組合埋一齊口感相當豐富～✿ 雪花刨冰講到餐廳特色之一，一定有雪花刨冰份！有部機器系度⚙️師傅會擺成個冰入去🧊跟住系度刨，就有一絲絲雪冰掉落，感覺非常治癒🥰客人可自行選擇口味，我地揀咗蜜柑同抹茶紅豆白玉🫘兩款甜度自然🍧夏天食想必更滋味❤️
continue reading
記錄吓人生第二次食omakase🤤同男朋友即興去食一個set有沙律、麵豉湯、茶碗蒸、玉子燒、四片刺身、八款壽司、一款手卷、甜品，超豐富飽肚！▶️ 沙律🥗配有粟米粒、車厘茄，甜酸沙律醋汁▶️ 日式蒸蛋/茶碗蒸面頭一粒大蜆肉，配上草菇食得出柚子汁味，另外仲有海苔粉可惜偏水汪汪同欠缺蛋香味🥚而且底部少配料《刺身4款》1️⃣真鯛：入口肥美，配上一點甜酸紅醬，不過魚皮有少少韌2️⃣ 大分縣真蠔：手掌咁大🦪聞落有黑松露香入口冰凍新鮮，滑捋捋juicy💦帶海水味而唔腥👍🏻鍾意佢醬汁用清新柚子醋3️⃣煙燻鰹魚：上面放上大量蒜蓉，魚皮有鹽鹹味，後勁有少少苦不過鰹魚本身冇乜味道*呢個有儀式感，師傅會整個有士多啤梨香氣嘅波波出嚟俾你打卡🤣4️⃣秋刀魚：中間包住醃蘿蔔，外面有紫菜，好fancy秋刀魚同樣肥美有魚油香🐠醬汁配料令整體味道偏甜《壽司8件》壽司飯本身已調味，唔需要點醬油米飯黏黏地，每件都會加山葵調味米飯：刺身比例恰當🍣唔會太飽1️⃣油甘魚壽司：無筋，好順滑，中規中矩2️⃣貝柱壽司：除咗wasabi仲有柚子皮未算好鮮甜細嫩3️⃣赤身壽司：赤身紅潤，簡單配上Wasabi唔錯嘅4️⃣墨魚壽司：上面芝麻粒七彩繽紛好似爆炸糖🌈口感有驚喜，墨魚一條條卷埋一齊，食落爽彈似蒟蒻只係調味偏鹹咗少少🤏🏻5️⃣鯖魚壽司：鯖魚獨特味道配上煙燻香，外圍有紫菜，中間係壽司飯幾特別係面頭放咗塊甜甜地嘅海帶咁多款壽司最有層次嘅一個😗6️⃣大拖羅壽司：油脂重，超肥美多汁，入口即溶😋7️⃣ 瀨尿蝦壽司：第一次食，冇一般蝦咁爽彈🦐上面有啲蛋黃碎8️⃣海膽壽司：樣子平平無奇，但亦係今餐最好食嘅一款👍🏻海膽冰凍新鮮，入口即溶又鮮甜juicy▶️ 手卷可以加$120升級signature「彩羽太卷」大部份食客都會升級，好適合用嚟影相 (偷影咗隔籬嗰份haha)我哋食返本來嘅「免治拖羅配紫蘇葉手卷」免治拖羅入口細緻，夾雜爽脆蘿蔔粒，形成質感上嘅對比😍紫菜保持乾脆，配送紫蘇葉幾香☘️▶️ 玉子燒以為係castella cake….個面真係似蛋糕質感奇怪🧐完全唔似蛋，成嚿芝士咁只有甜味冇蛋香，唔鍾意🙅🏻♀️▶️ 麵豉湯正常，幾好係食完生冷嘢有啲嘢暖肚▶️ 甜品一球冰凍嘅雲呢拿雪糕🍧配上一粒青提將雪糕球放上薄脆和菓子餅乾食好正😋自製雪糕三文治-整體魚生刺身新鮮肥美💗✨個人最鍾意係「大分縣真蠔」、「墨魚壽司」、「海膽壽司」、「鯖魚壽司」✨唯獨茶碗蒸、玉子燒失色環境舒服，服務有禮貌，師傅望落professional95折之後$500/人，可以話係omakase入門版，相對地affordable但又享受到高級食物同體驗😌呢度仲有刨冰食，隔籬枱叫咗個望住師傅用部機，將大冰磚磨成冰沙，在倒上唔同口味嘅醬🍧
continue reading
話說早前被呢間嘅七龍珠太卷燒到即刻嚟試下最平嘅Omakase(午/晚)係$500以下🤎價錢真係實惠，好適合平平地慶生！另外加配嘅彩羽太卷和雪花刨冰都有驚喜❝ 廚師發辦 Omakase $480 ❞茶碗蒸 有齊蜆、菇、芫荽、洋蔥絲嘅簡單配搭刺身 （ 四款 ) 🥢 真鯛口感厚實🥢 大分縣真蠔口感滑爽香滑，帶幾分creamy🥢 自家製鮟鱇魚肝泡芙係幾特別嘅配搭😚 鮟鱇魚肝打成蓉帶陣陣魚嘅鹹味，以紅酒慢配上泡芙有幾分鹹中帶甜🥢 煙燻鰹魚味道清新，簡單鮮魚味中帶點煙燻口感壽司 ( 八貫 )深海池魚．帶子．鱘魚．鰈魚赤身．拖羅．瀨尿蝦．昆布海膽玉子燒 好有日式芝士蛋糕嘅感覺但更充滿蛋香❝ 彩羽太卷 $250 / 兩件 ❞師傳用醬油漬蛋黃、拖羅、海膽、白石青瓜包在一起一口吃下去，醬油漬蛋黃味道真的超濃郁🤤❝ 日本雪花刨冰 $48 ❞我選擇了off menu的蜜柑雪花刨冰🍊師傅直接用上日本冰，係客人面前來刨體驗一流！
continue reading
一則負評都冇嘅omakase🤨係咪真係咁值得食🤨今次試左間位於灣仔嘅omakase，因為佢嘅太卷慕名而來，之前睇過好多人介紹，好評連篇，真係一個唔好嘅評價都搵唔到🤨係openrice訂位唔同時段會有唔同優惠，今次預約左2:30 有85折，其實聽落係真係幾抵，性價比幾高🙃一入到餐廳我同友人其實都覺得已經出事，餐廳超級熱，溫度好似同外面差唔多咁完全唔夠冷氣… 之後就見到師傅已經一早將一大堆魚生切好曬放係一個熱到唔係路嘅室溫下… 令我地好懷疑佢嘅衛生問題🥲食物方面，其實以$480 黎講係真係幾豐富，有沙律、茶碗蒸、4款刺身、8貫壽司、手卷、玉子燒、味增湯、甜品！食物質素中規中矩，冇乜邊樣特別出色，唔知係咪一開始見到佢嘅處理方法同埋餐廳環境真係好熱，令到我冇乜食欲🙃 成餐最期待當然係太卷，每人加左$125🙃 其實講真都真係只係gimmick… 睇住師傅卷嘅過程係幾治癒，入面加入海膽、拖羅、青瓜、蛋黃！賣相非常吸引，味道其實都唔錯，不過未到驚艷水平，佢蛋黃嘅味道蓋過左海膽/拖羅嘅鮮味，口感幾creamy 不過好似冇咩層次🤨 個人覺得$125 黎講有d唔抵食…
continue reading