Video
Read full review
2024-12-13
1686 views
要做得 #價錢親民，又要 #控制成本 同 #食物質素，今時今日嘅老闆真係唔容易🤪 所以我都支持留港消費，等啲小店長做長有😚 呢晚藉着朋友仔嘅介紹，我哋一行六人嚟到位於 #Airside 頂樓嘅 #京川滬餐廳「五匠六釜」試吓佢哋嘅手勢😚都係我大意，竟然冇留意餐廳嘅用膳時間只有90分鐘😅 好彩店員體諒，將我哋入座時間稍為推遲🙏🏼 呢晚係其中兩個朋友仔嘅生日，當然要食得好少少。我哋嗌咗五個主菜加兩個甜品，真係夠晒豐富🤩🐟酸菜魚 - 魚片夠鮮嫩，酸菜湯辣辣地，都幾惹味🤤 不過湯底唔夠熱，可以煮熱啲先拎出嚟會更加好☺️🐟松子魚 - 配上酸酸甜甜嘅醬汁，淋喺酥脆嘅魚柳上面，啖啖肉，味道有驚喜🤩🪿北京填鴨 - 鴨肉同麼麼皮都比較乾身，不過份量都唔少，可以一試☺️🐮孜然大蔥牛肉 - 雖然唔係我鍾意嘅口味，不過對於鍾意孜然味道嘅朋友，佢哋話味道唔錯😚🥬上湯娃娃菜 - 娃娃菜夠晒新鮮，放入上湯一齊煮，口味好清新☺️🍎拔絲地瓜、蘋果 - 呢兩個甜品，真心建議大家唔使試😅 冇諗過員工會擺低兩份地瓜、蘋果，再加兩盤冰水🧊 就叫我哋搞掂佢😅 雞手鴨腳嘅我哋，彈到成身都係水之餘，食物中黐埋一堆😅 糖漿唔夠多，冇咗冰糖脆
都係我大意，竟然冇留意餐廳嘅用膳時間只有90分鐘😅 好彩店員體諒，將我哋入座時間稍為推遲🙏🏼 呢晚係其中兩個朋友仔嘅生日，當然要食得好少少。我哋嗌咗五個主菜加兩個甜品，真係夠晒豐富🤩
🐟酸菜魚 - 魚片夠鮮嫩，酸菜湯辣辣地，都幾惹味🤤 不過湯底唔夠熱，可以煮熱啲先拎出嚟會更加好☺️
🐟松子魚 - 配上酸酸甜甜嘅醬汁，淋喺酥脆嘅魚柳上面，啖啖肉，味道有驚喜🤩
🪿北京填鴨 - 鴨肉同麼麼皮都比較乾身，不過份量都唔少，可以一試☺️
🐮孜然大蔥牛肉 - 雖然唔係我鍾意嘅口味，不過對於鍾意孜然味道嘅朋友，佢哋話味道唔錯😚
🥬上湯娃娃菜 - 娃娃菜夠晒新鮮，放入上湯一齊煮，口味好清新☺️
🍎拔絲地瓜、蘋果 - 呢兩個甜品，真心建議大家唔使試😅 冇諗過員工會擺低兩份地瓜、蘋果，再加兩盤冰水🧊 就叫我哋搞掂佢😅 雞手鴨腳嘅我哋，彈到成身都係水之餘，食物中黐埋一堆😅 糖漿唔夠多，冇咗冰糖脆皮嘅特色😅 本來興高采烈嘅我哋，最終都剩返大半喺度😅😅
整體食物味道都唔錯，不過餐枱太細，根本冇可能一次過上咁多菜，而且員工嘅服務真係爭咁啲😅 搞到提議呢間餐廳比壽星嘅我… 有啲尷尬囉😅😅😅
📍 #五匠六釜 (啟德)協調道2號AIRSIDE 6樓L602號舖
Post
