TOSS 蘇媽.蘇媽

Open Now

Now Closed

Toss蘇媽•蘇媽（屯門）有時各類日式、韓式、快餐嘅餐廳入面，馬拉菜的確未必係一般人嘅首選。不過蘇媽·蘇媽嘅馬拉菜真係好有質素，還原到正宗嘅馬拉嘢食。不過未食之前一坐低都已經幾舒服，可能開張未算好耐，所以特別乾淨企履，幾吸引人來食。至於食物堅係高汁！招牌肉骨茶 - 一字骨 $168佢嘅肉骨茶有濃濃嘅香味，湯本身嘅辣會刺激你嘅味蕾，但唔係令人難受嘅辣，你好正宗嘅肉骨茶湯底。而佢嘅一字骨件件都好大件，肥瘦適中一啲都唔腬，佢好有肉骨茶嘅味道，食得出係浸到好入味，但又唔會浸到腍晒，口感非常之飽滿。必叫呀！椰香咖喱豬頸肉叻沙 - 滲滲 $88因為有椰香，同樣有濃郁嘅香味。啲湯調較得適中，唔會辣或甜得濟，令人一啖麵又一啖湯，而且我哋嗌咗滲滲 即係油麵同米粉各半，可以食到湯配兩款麵呢兩種配搭，真心正。豬頸肉份量唔少幾煙靭，一啲都唔失禮。辣死你嗎（椰漿飯）配仁當牛肋條 $83不得不說個牛肋條真係好腍，配埋佢個汁真係好搭個椰漿飯，一甜一咸十分有趣，個飯充滿椰香味，仲有碟辣椒油，加落啖飯到真係多多都食得落。如果唔係肚仔空間有限，真係想嗌多幾款，不過佢樣樣都份量充足，真好抵食，建議大家一定要試試佢。