保家山 (Closed)

🍔🍟🥗觀塘出色手工和牛漢堡▫️先到counter點餐付款，然後去取餐☑️ 「葵」手工和牛漢堡🍔 -$98漢堡新鮮出爐，熱辣辣，包皮都脆口好食。配料生菜，洋蔥、番茄都好新鮮，番茄厚切。和牛漢堡好好味，牛味濃，而且juicy得黎又冇過熟。醬汁又係另一賣點，山葵醬汁好特別，少少wasabi香味，吾會辣，估吾到同和牛漢堡又幾夾。☑️「芫荽」手工和牛漢堡 - $108芫荽漢堡都好好味，芫荽好新鮮，好濃芫荽味，搭配和牛漢堡及醬汁，好新潮但又好夾。☑️健康沙律沙律用紙杯上，沙律菜新鮮爽口，仲有番茄絲，配上酸汁，十分清新開胃。☑️薯條🍟(紫菜/麻辣）- 套餐+$4薯條好好食，份量吾少，新鮮炸起，又熱又脆，而且仲有特別調味，紫菜味好多紫菜碎粒，啖啖紫菜味。而麻辣味都幾辣，麻味辣味都好足，勁惹味，愛辣之人絕對要試。🆗無糖蜜桃茶 - +$6用膠杯上，冇冰的，但係蜜桃味好淡吾出，茶味都冇咩，如果吾飲汽水要加$6轉野飲，建議叫樽裝嘅津路烏龍茶，質素保證之餘，飲吾晒仲可以拎走。