玉桃軒酒家 (鱷魚恤中心)

Open Now

Now Closed

星期日同家人飲下午茶，喺觀塘鱷魚恤中心隨意搵咗一間酒樓。👀餐廳環境：唔錯。幾鍾意個落地玻璃位，可以望到觀塘近地鐵站景色，光線十足。推介美食：紅燒BB鴿肉質細緻，炸得啱啱好唔會太燶，保持肉汁，外皮脆脆，新鮮炸起。五式點心拼盆有五件點心大大嚿好抵食，包括蝦餃，粉果，豆苗餃，薑汁糕和合桃包。想讚吓粉果餡料正宗豐富，合桃包也唔會太甜餡料合桃味濃，唔錯。咸菜豬大腸其實邪惡之選，但久唔久食都唔錯，鹹酸菜非常入味。豉汁煎釀茄子有四大嚿，新鮮整起，俾咗蝦餃和魚肉釀成，配合茄子好夾。蜆芥炸鯪魚球鯪魚球炸得鬆化，蜆芥醬好野味。金絲脆蛋散性價比高，好大碟，但橙食得出蛋味配上蜜糖，好味。總括嚟講，點心質素都唔錯，而且有下午茶優惠，假日只係每樣加$3 ，都算抵食。