名人館

Open Now

Now Closed

作為喺觀塘返工嘅，自認觀塘嘅美食都已經搜羅得七七八八，但係竟然比我遺漏咗呢一間超級寶藏嘅餐廳！裏面嘅食物真係好出色，而且價錢相宜，好後悔而家先知道佢嘅存在🥹香蒜竹炭豆腐呢個係佢哋嘅招牌，我哋當然唔可以錯過啦！真係唔試，唔知一試嚇一跳！佢外皮超級酥脆，裏面嘅豆腐超級嫩滑，呢種外脆內軟嘅口感，真係一試難忘！陳醋豬手睇個樣平平無奇，實質暗藏玄機！豬手比老陳醋浸到好入味，酸酸甜甜嘅陳醋汁令到豬手唔會太過滯！而且豬手「動L動L」咁，超好味！滷水雙拼我哋揀咗鵝片同埋五香牛𦟌滷味雙拼，裏面仲有豆腐添！每一味食材都滷得好入味！鵝片肉質嫩，五香牛𦟌煙靭有咬口，豆腐入口即化！好正！大澳蝦干芥蘭煲呢個亦都係好有鑊氣嘅煲仔菜，佢哋好足料，用嘅係好大條嘅大澳蝦乾，芥蘭都難得好幼嫩，個菜好惹味！最貼心嘅係佢哋仲會可以幫客人調整味道，例如唔鍾意食重口味可以叫佢減鹽，服務態度滿分！蠔仔粥蠔仔粥裏面都好多料，大家睇圖都知道蠔仔有好多隻！而且粥底軟綿細滑！腐竹糖水本身諗住求其揀個糖水試吓，但係呢一個係我食過最好食嘅腐竹糖水！因為佢有好濃好香嘅腐竹味，裏面亦都加咗好多蓮子，每一啖都好豐富！差啲俾我錯過呢一間咁高質嘅觀塘潮州