Video
Read full review
2021-03-13
76 views
建議： 駱駝漆3座電梯上5樓靠左邊行 🍔 (落車場搭lift 會更快)話說有芫荽控報料，話Burger Saan 有爆荽和牛漢堡。所以今日連Menu 都無睇，就直去觀塘 🤣可能係平日既1點半左右先去到，放lunch 既人都幾多。入到去落單，搵位。即叫即製既關係，等左大概25分鐘先有得食。如果係觀塘工商區放Lunch 既朋友仔，可能要預好少少時間。可以選擇落地下車場等lift (有6-8格lift)，3座地面lift 通常都要等超耐。今次試左：🍔套餐包左一客薯條 同 一款飲品 (罐裝汽水/枝裝茶)🍟薯條可以揀 牛油/麻辣/紫菜▪️芫荽和牛漢堡套餐 (HK$109)整體有啲失望，雖然芫荽份量比想像既多，不過醬汁偏酸，無芫荽味，淨係得食芫荽時先有啲味😂 如果係為左荽荽黎食，建議揀番正常既招牌漢堡。另外，塊肉 對比起 「山」漢堡，肉質偏乾無咩肉汁。 ▫️「山」漢堡套餐 (HK$98)招牌醬食落唔錯，整個漢堡都唔錯。塊肉一咬充滿肉汁😋 (小心彈到衫) 雖然啲汁比紙隔住，但都要留意，#試伏專員 S君食到最後，倒左落身🤣。▪️麻辣薯條/紫菜薯條即叫既炸，熱辣辣超脆 🍟麻辣味坊間唔多，麻味幾出，唔係好辣。紫
話說有芫荽控報料，話Burger Saan 有爆荽和牛漢堡。所以今日連Menu 都無睇，就直去觀塘 🤣
可能係平日既1點半左右先去到，放lunch 既人都幾多。入到去落單，搵位。即叫即製既關係，等左大概25分鐘先有得食。
如果係觀塘工商區放Lunch 既朋友仔，可能要預好少少時間。可以選擇落地下車場等lift (有6-8格lift)，3座地面lift 通常都要等超耐。
今次試左：
🍔套餐包左一客薯條 同 一款飲品 (罐裝汽水/枝裝茶)
🍟薯條可以揀 牛油/麻辣/紫菜
▪️芫荽和牛漢堡套餐 (HK$109)
整體有啲失望，雖然芫荽份量比想像既多，不過醬汁偏酸，無芫荽味，淨係得食芫荽時先有啲味😂 如果係為左荽荽黎食，建議揀番正常既招牌漢堡。另外，塊肉 對比起 「山」漢堡，肉質偏乾無咩肉汁。
▫️「山」漢堡套餐 (HK$98)
招牌醬食落唔錯，整個漢堡都唔錯。塊肉一咬充滿肉汁😋 (小心彈到衫) 雖然啲汁比紙隔住，但都要留意，#試伏專員 S君食到最後，倒左落身🤣。
▪️麻辣薯條/紫菜薯條
即叫既炸，熱辣辣超脆 🍟麻辣味坊間唔多，麻味幾出，唔係好辣。紫菜都唔錯，不過味道唔係好出。
Post
