House FiftyEight

Open Now

Now Closed

🉐環境舒適，地方夠大夠寧靜🉐性價比高，食物質素好但價錢唔貴今日即興約咗朋友收工食飯，所以去咗朋友公司附近觀塘到食，估唔到鬧市中都搵到間環境又大又坐得舒適嘅餐廳。我哋嗌咗兩個dinner set，分別有晒餐湯，前菜，主菜，甜品同餐飲。餐湯〈雜菜湯〉🍲〈南瓜湯〉🎃雜菜湯蕃茄味好濃，而且蔬菜份量好多。南瓜湯好綿滑，南瓜味都重。附送嘅餐包都好高質好軟熟。前菜〈烤鐵板吞拿魚沙律〉🐟🥗〈意大利黑醋配巴馬臣火腿沙律〉🥓🥗烤鐵板吞拿魚因為烤過而且配有黑椒所以更加香，但係吞拿魚肉依然係好嫩滑。巴馬臣火腿好大塊，味道唔會過鹹。沙律菜都好新鮮。主菜〈阿根廷虎蝦蜆肉番茄意粉〉🦐🍝隻虎蝦超級巨大，大過我隻手掌，肉質仲要好彈牙，食蝦都可以食到啖啖肉嘅感覺。意粉帶有好濃嘅蒜香味，而且蜆肉份量都好多。主菜〈美國頂級肉眼〉🥩肉眼扒好厚身煎得好香，廚師煎嘅生熟程度係啱啱好，肉質係粉紅色但唔會太生，依然保留到肉質嘅口感同牛味亦都好夠。配菜嘅自家製薯蓉都好出色，有好香嘅牛油味，令到薯蓉更加香更加滑。〈黑森林蛋糕〉🍫🍰甜品係黑森林蛋糕，係好傳統嘅做法中間夾有莓子醬，可以好好平衡到朱古力嘅甜，唔會太膩。