Parallel

Open Now

Now Closed

餐廳裝飾典雅，柔和嘅燈光、精心佈置嘅桌面擺設、溫暖嘅色調同舒適嘅音樂，為用餐增添咗一份放鬆感，整個人由上班嘅緊繃釋放😌🍽️自助菜品豐富餐廳唔算好大，但前菜選擇都好豐富，有各種水果蔬菜沙拉，通粉，芝士，煙燻三文魚，烤法棍片，仲有新鮮任拿嘅蝦、螺同青口。海鮮緊致彈牙，感覺好新鮮嘅，尤其螺肉超大一個，我食咗超多哈哈哈。🧀🍞強烈推薦嘅搭配芝士麵包自助區有高達芝士同軟芝士可以攞，旁邊有小麵包用嚟配上芝士食用軟芝士，入口軟滑幼細，有淡淡嘅鹹香味。高達芝士口感好實淨，好重芝士味！超好味，食咗好多粒🤣🤣（Ps. 我加咗煙三文魚同芝士麵包一齊食，多重口感同味道，推薦!!）🍗 Main dish 菠菜雞肉卷配粟米蓉菠菜雞肉卷係嫩滑雞肉包裹緊香軟軟嘅菠菜餡。雞肉好嫩滑，上面嘅皮甚至係脆嘅！清爽又健康，粟米蓉有黑松露味道，意外好搭！🥩Main dish 燴安格斯牛肉配洋蔥炒薯仔牛肉粒好軟嫩，完全唔韌，好有口感，加上豐富嘅肉汁，味道一流。薯仔係炒到黃金色嘅✨，完全唔硬，好香口。🍲黑松露白菌濃湯黑松露味好濃，飲落啖啖黑松露嘅香味，配上白菌令到個湯嘅口感昇華咗。鍾意黑松露嘅話都值得一試。