玉桃軒酒家 (鱷魚恤中心)

Open Now

Now Closed

今日出開觀塘，約埋幾個朋友去觀塘飲茶，鱷魚恤大厦有間玉桃軒，以前住港島東時時常去鰂魚涌間玉桃軒幫襯，今日就試下觀塘呢間。上到酒樓已經係中午12點。嘩，人山人海，唔知係咪因為今日係星期日特別多人。好好彩，搵到一張枱，遲dd都冇，唔通真係咁抵食（心唸）？叫左10個點心，包括鮮蝦菠菜餃，魚肚百花蒸粉扎，流沙包，藥膳鷄腳，义燒酥，炸雲吞，豬手，山竹牛肉，蘿蔔糕等。覺得個菠菜餃幾好味，重有特價（$32.8），個流沙包幾滑又多蛋黃，义燒酥就好鬆化（原來係其中一個推介既點心），其他點心都OK.埋單4位四百幾，茶錢每位$13，都算平，冇乜商場酒樓今時今日咁平既茶錢，抵讚！