NEXT Shikaku (Closed)

作為座銀既忠實擁躉，知道佢又開新野其實已經想試好耐! 無奈呢～ 經歷過兩次未到六點就乜都賣晒既經歷其實都有少少灰，今次雖然都係無白湯，但算啦我決定要向現實低頭...試下個清湯同沾麵咩料先起碼（都叫做試咗2/3款既麵㗎喇）牡蠣清湯拉麵，店員介紹為係比較清淡既一款（算係入門級口味)，以百份百日本牡蠣熬製成清香的高湯，配上牡蠣油及秘製湯汁，充滿原始而澎湃既牡蠣鮮香，完全唔係睇落咁淡係幾驚喜喎～配料有蝦雲吞，一隻牡蠣同叉燒。咁好明顯個雲吞同叉燒都唔係重點嚟既～牡蠣雖然細隻但鮮味得很～沾麵係由日本知名製麵屋獨家配方研發出罕見長方形的「平打麵」闊身好掛湯，麵質滑溜，加入左啲紫蘇花除咗靚啲之外食起上嚟仲更加添清新既口味。沾麵湯底就無乜配料，得筍絲，小小豚肉同埋一隻牡蠣。以蠔醬配上豚骨濃湯製成既湯底比清湯嚟得濃郁同埋口感好 creamy，店員介紹係最濃郁既一款（不過又無我想像中同睇落咁誇張）好啦～試完呢兩款，係無失望既。但仍然最希望係下次嚟終於可以食到個牡蠣白湯拉麵啦～