葫蘆燒肉刺身

Open Now

Now Closed

平時自己經過呢間燒肉店好幾次都唔多人，難得同老公出黎行街又唔駛等位就試吓。我哋叫咗2份燒肉餐+1碗刺身飯首先啲肉質望落去已經唔太新鮮，仲有少少位黑咗添。其次啲牛舌芯都可以咁根位，食咗2塊已經放棄擺埋一邊算，個爐燒起上嚟都幾大陣油煙味。跟住食到刺身飯，睇得出師傅唔識切魚生，雖然出黎唔係食刀功，但都唔係亂咁切咗就算掛？仲要啲吞拿魚臭咗㗎，咁都拎出黎賣？總結呢一餐最正常係跟餐嘅海藻沙律同埋嗰碗紫菜絲飯，埋單三佰幾蚊，唔平又唔貴，食後感只係唔值。