Alva House

Open Now

Now Closed

感謝老細周年聚餐，請全世界去帝逸食自助餐。聽聞都幾難Book，而且價錢唔平，真開心。準時入座，獲安排係窗邊位，非常光猛舒服。一入門口就一排甜品櫃好吸引，行入少少就有凍海鮮櫃，仲有生蠔。之後就日式串燒，東南亞美食等。入面就主要係各式熱盆。先拎幾款刺身、凍盆，樣樣都幾新鮮。三文魚相當鮮甜。生蠔都要排一陣隊，即開生蠔都幾大隻，相當甜，食左幾轉。熱盆選擇都好多，特別推介燒牛肉，都幾腍，幾夠牛味。仲有日式串燒。一向食自助餐都主攻甜品部，選擇實在好多，小杯奶凍類特別好食，抹茶蛋糕都印象深刻。最後仲有迷你杯Haagen Dazs。整體算相當唔錯，所以價錢應該都唔平，如果有優惠可以再試。