Video
Read full review
2023-12-15
40 views
介紹返💁🏻♀️。。🇭🇰 一人一鍋蒸氣鍋 在銅鑼灣 🇭🇰。船渦 Boat Boat Steam。維安商業大廈3樓。九品芝麻前菜：沙律。炸物：章魚燒兩粒。海鮮：白蜆，蝦，鮮魚片，大蜆，北寄貝，鮑魚。肉類：美國肥牛/ 豚肉片 / 雞腿肉 - 3選2丸類：牛骨濃汁牛丸，薑汁皮蛋貢丸，招牌墨魚丸。HKD258 + 10%內務總管前菜：沙律。炸物：吉列炸蠔兩隻。海鮮：白蜆，蝦，大蜆，北寄貝，鮑魚，元貝， 蟹半隻 / 蟶子皇一隻 - 2選1肉類：美國肥牛 / 豚肉片 / 雞腿肉 - 3選2丸類：牛骨濃汁牛丸，薑汁皮蛋貢丸，招牌墨魚丸。HKD328 + 10%*選兩份牛 加 HKD6 +10%隨餐附有湯底 ： 原味魚湯 / 麻辣魚湯 +HKD3 / 蕃茄魚湯 +HKD5 / 翅骨濃雞湯 +HKD10粥底 / 麵底 ： 南瓜芋頭粥底 / 米粉 / 米線 / 烏冬 / 拉麵 / 出前一丁蔬菜拼盤甜品罐裝汽水。HKD16 + 10%🤫 原來而家蒸氣鍋已經進化到可以係一人一鍋咁嘅玩法㗎啦😮真係唔係飯腳仔帶我去開大餐我都唔知有啲咁嘅事..上到去船渦見到佢哋豎起咗隻幾靚嘅艇仔做生招牌..又幾有設計感㗎啵～入到去再
。
。
🇭🇰 一人一鍋蒸氣鍋 在銅鑼灣 🇭🇰
。船渦 Boat Boat Steam
。維安商業大廈3樓
。
九品芝麻
前菜：沙律。
炸物：章魚燒兩粒。
海鮮：白蜆，蝦，鮮魚片，大蜆，北寄貝，鮑魚。
肉類：美國肥牛/ 豚肉片 / 雞腿肉 - 3選2
丸類：牛骨濃汁牛丸，薑汁皮蛋貢丸，招牌墨魚丸
。HKD258 + 10%
內務總管
前菜：沙律。
炸物：吉列炸蠔兩隻。
海鮮：白蜆，蝦，大蜆，北寄貝，鮑魚，元貝，
蟹半隻 / 蟶子皇一隻 - 2選1
肉類：美國肥牛 / 豚肉片 / 雞腿肉 - 3選2
丸類：牛骨濃汁牛丸，薑汁皮蛋貢丸，招牌墨魚丸
。HKD328 + 10%
*選兩份牛 加 HKD6 +10%
隨餐附有
湯底 ： 原味魚湯 / 麻辣魚湯 +HKD3 / 蕃茄魚湯 +HKD5 / 翅骨濃雞湯 +HKD10
粥底 / 麵底 ： 南瓜芋頭粥底 / 米粉 / 米線 / 烏冬 / 拉麵 / 出前一丁
蔬菜拼盤
甜品
罐裝汽水
。HKD16 + 10%
🤫 原來而家蒸氣鍋已經進化到可以係一人一鍋咁嘅玩法㗎啦😮真係唔係飯腳仔帶我去開大餐我都唔知有啲咁嘅事..上到去船渦見到佢哋豎起咗隻幾靚嘅艇仔做生招牌..又幾有設計感㗎啵～入到去再發現佢哋座位安排係一個非常聰明嘅設計..全間餐廳有三張超級大嘅長枱..然後每個位嘅前邊左右邊都有可以收放自如嘅竹簾..呢個設計無論係自私食..三五成群又或者好似我哋兩個咁拍拖仔嚟都可以有私人嘅空間之餘又善用空間..變化相當靈活..暫時都係第一次見呢種Setting🤓真係寫個服字俾佢～
🤫 咁呢度話明係一人一鍋..顧名思義就係一人一個Set咁樣啦..唔係話真係特別愛好海鮮嘅飯腳先生就揀咗呢度最抵玩嘅嗰一個九品芝麻套餐..而我呢就揀咗貴一級嘅內務總管..呢度啲餐個名好搞笑啊呵🤪
🤫 喺度輕輕講解吓兩個Set嘅分別先～平啲嗰個餐有鮮魚片..而我嗰個就將魚片升級咗做大嘅元貝..外加多半隻蟹或者一隻蟶子皇..然後肉類方面..兩個餐都可以喺雞牛豬裏邊三選二..如果想Double牛嘅話Additional加六蚊雞就可以嘞..飯腳仔嗰個餐就有四片肉..我嗰個貴啲就有六片肉..仲有～小食方面分別係吉列蠔同章魚燒..大致就係呢啲分別啦～
🤫 靜雞雞話你知呀..我一路都認為蒸氣鍋係好食過打邊爐㗎🤭因為我總係覺得啲海鮮啊肉啊攞嚟蒸比起浸落啲湯入邊淥熟佢更加能夠保持到嘢食本身嘅鮮味..唔知有冇人認同我呢個諗法呢？而且始終呢度唔係放題任食..所以海鮮嘅質素真係高好多..尤其是當我見到佢哋有好多個魚缸裝住嗰啲活海鮮嘅時候就完全印證到我嘅諗法..拎到埋嚟嗰啲沙白蜆仲郁緊㗎☺️
🤫 蜆嚟講大大細細都有十零隻..只要跟足枱面嗰個蒸幾多分鐘嘅指示去煮嘅話真係堅好味唔係講笑..鮮甜唔再講..我哋嗰啲蜆係百分之一百冇沙..非常正～
🤫 第二樣我覺得最美味嘅就係我嗰隻蟶子皇嘞..蟶子皇就唔係話真係大到阿媽唔認得嗰種..不過都算係冇辜負佢嘅盛名啦..而且蒸完出嚟一啲都唔韌仲要好甜..如果唔係仲有好多嘢未食..我真係會考慮散叫多一隻嚟翻兜🤭
🤫 第三樣推介嘅海鮮就係北寄貝～真係諗唔到其他形容詞..因為佢真係好鮮甜..彈牙爽口..就連平時唔會揀北寄貝嚟食嘅飯腳仔都話Yummy
🤫 另外佢哋嗰啲鮮魚片都好正..蒸完出嚟啖啖肉好肥美..仲有些少油脂咁樣..唯一就係有骨要食得小心啲
🤫 本來啲海鮮咁新鮮好味而且呢度打正旗號係主打海鮮咁..都有些少擔心呢度嘅肉類唔及得上出邊打邊爐嗰啲肉..點知又唔會喎～就算我哋食平平哋嘅美國肥牛都好靚好有牛味..而且肥瘦都幾適中..貴啲嗰個餐嘅牛仲大塊啲添㗎(我哋覺得🤪)
🤫 另外每人都有嘅嗰三粒丸都好高質素㗎..佢哋嘅招牌墨魚丸係不規則形狀..比起出邊街食到嘅墨魚丸嘅墨魚味濃好多..仲好彈牙添～本來我諗住分嗰三粒丸俾飯腳仔食驚佢唔夠飽..點知三粒都各有特色..最後我係唔捨得俾佢嘅😬嗰粒牛骨濃汁牛丸呢..係同我上次去銅鑼灣嗰間新巴黎食過嘅嗰隻超好味牛丸係同一個Level 㗎😮我平時唔係特別鍾意食牛丸㗎咋..不過呢一隻牛丸真係好濃牛味㗎..而第三種丸就係之前都未食過嘅薑汁皮蛋貢丸..呢粒貢丸一咬開入邊係有薑蓉㗎..啲薑嘅味超級濃有啲遮蓋咗皮蛋嘅味道..所以三粒丸嚟講..呢粒就相對失色啲
🤫 已經講咗咁多嘢食俾大家知..但係其實仲有好多嘢食㗎..食到最後真係飽到上心口..前菜嘅蟹籽沙律同埋各自各嘅小食啦～蔬菜拼盤入邊有粟米南瓜翠玉瓜冬菇金菇娃娃菜同埋水耕菜啦..仲要驚死你唔夠飽有粥底或者麵底..同埋甜品嘅糯米糍
🤫 我之前唔係未食過蒸氣鍋㗎..首先而家呢個三百蚊左右嘅價錢喺市面嘅蒸氣鍋好似埋唔到單..就算我當你埋到單..食到高質嘢就好大機會唔夠飽..食得飽你..大部份質素都唔多掂..難得呢度海鮮肉類嘅質素真係相當可以..至緊要係滿載而歸(個肚腩🫠)..我真心推介食蒸氣鍋揀呢間🤝🏻你唔會後悔
。。
翻兜指數：🙆🏻♀️🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
Post
