Video
Read full review
2024-10-05
299 views
呢排香港經濟麻麻地， 好多餐廳都推出咗特價優惠。 呢一間位於銅鑼灣登龍街嘅《牛惣居酎屋》， 開業多時，深受食客歡迎。Happy hour嘅時段， 推出咗啤酒買一送一嘅優惠。另外亦有多款精選串燒，$34有2串，而且味道同埋質素一啲都冇將貨就價，絕對超值。為咗支持OT完嘅朋友出街食晚飯， 同埋鼓勵人出多啲夜街，餐廳仲推出咗夜食限定， 每串都只係15蚊，真係認真抵抵抵!!!一坐低就會送上餐前開胃沙律，以蔬菜條以及日本椰菜，沾點日式麵豉醬，蔬菜爽口清甜， 配合麵豉醬的鹹香，為豐富的串燒晚宴打開序幕。餐廳打正旗號叫《牛惣》， 因為這家居酒屋提供了多款刁鑽牛部位的串燒。這一串《牛骨髓》， 實在是必吃之選。 牛骨髓上面鋪上了酸酸的蘿蔔蓉， 而且灑上了大量蝦夷蔥。 蝦夷蔥這款細蔥味道香濃大點辛口， 為牛骨髓帶來味道嘅衝擊， 喜歡吃牛骨髓嘅朋友，必點。另外亦都叫了一個相當開胃，佐酒一流的《三色甲羅燒》。 蟹蓋上承載著豐富的材料， 有香濃嘅蟹膏，鮮甜嘅蟹肉， 以及卜卜脆嘅蟹籽。 放在紫菜上包裹住吃，吃出每一啖都是回甘， 蟹膏香氣齒頰留香。另外必點嘅當然就是邪惡的《燒雞皮》啦！燒雞皮雖然聽落相當邪惡， 但係
Happy hour嘅時段， 推出咗啤酒買一送一嘅優惠。
另外亦有多款精選串燒，$34有2串，而且味道同埋質素一啲都冇將貨就價，絕對超值。
為咗支持OT完嘅朋友出街食晚飯， 同埋鼓勵人出多啲夜街，餐廳仲推出咗夜食限定， 每串都只係15蚊，真係認真抵抵抵!!!
一坐低就會送上餐前開胃沙律，以蔬菜條以及日本椰菜，沾點日式麵豉醬，蔬菜爽口清甜， 配合麵豉醬的鹹香，為豐富的串燒晚宴打開序幕。
餐廳打正旗號叫《牛惣》， 因為
這家居酒屋提供了多款刁鑽牛部位的串燒。
這一串《牛骨髓》， 實在是必吃之選。 牛骨髓上面鋪上了酸酸的蘿蔔蓉， 而且灑上了大量蝦夷蔥。 蝦夷蔥這款細蔥味道香濃大點辛口， 為牛骨髓帶來味道嘅衝擊， 喜歡吃牛骨髓嘅朋友，必點。
另外亦都叫了一個相當開胃，佐酒一流的《三色甲羅燒》。 蟹蓋上承載著豐富的材料， 有香濃嘅蟹膏，鮮甜嘅蟹肉， 以及卜卜脆嘅蟹籽。 放在紫菜上包裹住吃，吃出每一啖都是回甘， 蟹膏香氣齒頰留香。
另外必點嘅當然就是邪惡的《燒雞皮》啦！燒雞皮雖然聽落相當邪惡， 但係經過細火慢烤之後逼出油份， 保留著雞油嘅香氣， 以及卜卜脆嘅口感， 佐酒100分。
另外呢一串《自家製豆腐》，揸上咗香濃嘅日式醬油汁， 金黃色的外皮燒得非常香脆， 相當香口， 同時亦保留咗黃豆的豆香，加上上面的木魚絲， 細蔥和薑蓉， 好吃得令人難以抗拒。
《 秋葵豚肉卷》 相對地冇咁邪惡。 豚肉燒得香脆， 油香十足， 包裹住裏面爽口嘅秋葵， 減低了油膩感。
必點之選一定係《牛肋條串》， 牛肋條本身牛味十足， 只用了基本的海鹽以及黑椒， 就能帶出牛肋條濃郁的牛味。 肉質幼嫩，而且熱辣辣，油脂平均， 嗰份滿足感絕對係令人回味。
最後同樣必點嘅有《日本黑豚》， 黑豚一啲都唔羶， 五花嘅部位油脂十足， 經過炭火烤燒之後，更能迫出黑豚肉的肉香，那份油脂香氣，係口腔徘徊，力久不散。
最後點了一個相當之飽肚的《咸牛肉飯團》， 飯糰加入了醬油， 上面開滿著咸牛肉， 鹹鹹香港， 火喉控制得非常之好。
當然來居酒屋就一定要暢飲一下， 呢間居酒屋有各款嘅啤酒、清酒、梅酒、highball， 總會有一款啱口味， 同朋友一齊食晚飯， 兼且飲返幾杯， 實在是放鬆減壓的不二之選。
趁著居酒屋做緊咁多優惠， 大家一定要嚟試下呢一間咁有誠意， 而有經常客滿嘅居酒。
Post
