Video
Read full review
2023-07-20
26 views
同朋友講左好耐想試omakase, 今次食既呢間鮨石店內裝修以木調為主, 比人感覺低調而優雅, 師傅非常細心逐道料理講解產地同食法, 又耐心解答我地既問題, 非常專業. 「神石」ISHI OMAKASE $1680/位先附- 北海道粒貝 , 香魚, 酸味赤水母師傅建議先食北海道粒貝, 然後係香魚, 入口魚味突出, 炸到十分脆身, 食到肚位仲會有小小甘香味, 最後係赤水母, 師傅話係即日係日本空運過嚟, 所以非常新鮮爽口. 真鯛師傅建議可以用手心拍一拍鯛魚上既紫蘇花, 果然一拍完即刻聞到陣陣清香既紫蘇花味, 然後再將花冧擺落魚身上面, 令到鯛魚刺身既味道更加提升螺頭可以先嘗試左螺頭既原味, 然後再擠啲橘柚汁或者點旁邊既海鹽, 三種食法中個人最鍾意點海鹽既食法, 因為真係可以將螺頭既鮮味大大提升海膽、白蝦刺身上面係嚟自岩手縣既海膽, 海膽味濃郁得嚟十分creamy , 而下面則有富山縣既白蝦, 每隻蝦都需要人手逐隻剝殼, 非常矜貴毛蟹燒賣呢個絕對係舖頭signature, 自家創既毛蟹燒賣, 入口食到一疏疏既毛蟹肉, 再加埋俄羅斯魚子醬, 非常鮮味沙甸魚磯邊卷用紫菜包住沙甸魚、薑、七彩芝麻
「神石」ISHI OMAKASE $1680/位
先附- 北海道粒貝 , 香魚, 酸味赤水母
師傅建議先食北海道粒貝, 然後係香魚, 入口魚味突出, 炸到十分脆身, 食到肚位仲會有小小甘香味, 最後係赤水母, 師傅話係即日係日本空運過嚟, 所以非常新鮮爽口.
真鯛
師傅建議可以用手心拍一拍鯛魚上既紫蘇花, 果然一拍完即刻聞到陣陣清香既紫蘇花味, 然後再將花冧擺落魚身上面, 令到鯛魚刺身既味道更加提升
螺頭
可以先嘗試左螺頭既原味, 然後再擠啲橘柚汁或者點旁邊既海鹽, 三種食法中個人最鍾意點海鹽既食法, 因為真係可以將螺頭既鮮味大大提升
海膽、白蝦刺身
上面係嚟自岩手縣既海膽, 海膽味濃郁得嚟十分creamy , 而下面則有富山縣既白蝦, 每隻蝦都需要人手逐隻剝殼, 非常矜貴
毛蟹燒賣
呢個絕對係舖頭signature, 自家創既毛蟹燒賣, 入口食到一疏疏既毛蟹肉, 再加埋俄羅斯魚子醬, 非常鮮味
沙甸魚磯邊卷
用紫菜包住沙甸魚、薑、七彩芝麻等, 除左食到油脂豐富既沙甸魚外, 又有爽口微辣既薑, 口感層次豐富
鱧魚
師傅用左千切既方式處理, 用密集既刀功將鱧魚既幼骨切走再炸到外脆內軟, 真係非常考功夫
壽司 - 地金目、活赤貝、太刀魚、深海池魚、希靈魚、赤身、紫海膽、右口魚邊
地金目係鯛魚一種, 魚身充滿油份, 食落感受到魚肉既肥美但又唔會漏
師傅特意加左啲柚子係活赤貝上面, 令到入口更加清爽
太刀魚亦即係係牙帶魚, 魚肉本身清甜清甜, 師傅再將魚皮輕微烘香, 令魚香更突出
深海池魚亦到係有輕微燒香,迫出魚皮下既脂肪油份, 同時入口有好香既煙薰味
希靈魚又係由日本新鮮運送過嚟, 充滿油香, 加埋中間有梅醬, 剛好中和返魚既油份
醬油漬赤身, 赤身本身含脂量比較小, 但肉質都相對較札實
北海道紫海膽入口非常清甜、幼細
師傅非常nice地額外手握左件右口魚邊壽司比我地, 將近入口即溶, 魚既油份燒到滲落飯度, 非常香
日本大蜆湯
蜆肉非常大粒, 仲有好多海帶, 非常足料
甜品
特意用左和歌山蘋果去整呢個批, 而且蘋果仲要燒足分鐘, 絕對係心機之作, 非常有誠意
Post
