Video
Read full review
2015-05-04
819 views
平時食開一個價錢任飲任食既火鍋店，而今日就入到黎九龍城，同S先生就入左呢間名叫「牛精皇」既火鍋店打邊爐!.店內環境唔大，坐位唔多，不過有LCD大電視，一邊打邊爐一邊睇電視都唔錯。而家既火鍋店，大多數都提供埋各款身拼盤，不過呢度連生蠔都有呢。.睇左陣餐牌，可以選擇散叫或套餐，套餐分別有「優惠2人餐」$328、「精選2人餐」$528。研究左一陣就決定左要後者，對比散叫，感覺比較化算，再散小妹至愛既既芝心丸同響鈴。.「精選2人餐」$528，包括11款食物，另包一款$68既湯底 (沙嗲、清湯及芫茜馬蹄皮蛋鍋)，要其他湯底就要再補差價。其中一款招牌牛精鍋 $198，鍋內已經有金錢牛肚、牛肺、牛尾、牛腩、牛孖筋和牛膀，真係第一次見呢款湯底，感覺相當特別。.醬料費，每位$18，收費稍高。.火鍋材料用上鋁盤三層架，感覺慳位之餘又特別，材料都擺放得美美的。.沙嗲鍋呢度既沙嗲湯底係小妹食過最濃味既，就算唔點任何醬料，所淥既食材都已經好夠味，個湯底真係好香好惹味，仲見到入面有埋蝦米一齊熬，好足料。.頂級手切肥牛色澤紅潤，紋理分別，淥一淥就食得，牛味濃，肉質頗嫩，唔錯。.極品安格斯牛肉粒店方話牛肉粒會愈淥愈腍
平時食開一個價錢任飲任食既火鍋店，而今日就入到黎九龍城，同S先生就入左呢間名叫「牛精皇」既火鍋店打邊爐!.
店內環境唔大，坐位唔多，不過有LCD大電視，一邊打邊爐一邊睇電視都唔錯。
而家既火鍋店，大多數都提供埋各款身拼盤，不過呢度連生蠔都有呢。.
睇左陣餐牌，可以選擇散叫或套餐，套餐分別有「優惠2人餐」$328、「精選2人餐」$528。研究左一陣就決定左要後者，對比散叫，感覺比較化算，再散小妹至愛既既芝心丸同響鈴。.
「精選2人餐」$528，包括11款食物，另包一款$68既湯底 (沙嗲、清湯及芫茜馬蹄皮蛋鍋)，要其他湯底就要再補差價。其中一款招牌牛精鍋 $198，鍋內已經有金錢牛肚、牛肺、牛尾、牛腩、牛孖筋和牛膀，真係第一次見呢款湯底，感覺相當特別。.
醬料費，每位$18，收費稍高。.
火鍋材料用上鋁盤三層架，感覺慳位之餘又特別，材料都擺放得美美的。.
沙嗲鍋呢度既沙嗲湯底係小妹食過最濃味既，就算唔點任何醬料，所淥既食材都已經好夠味，個湯底真係好香好惹味，仲見到入面有埋蝦米一齊熬，好足料。
.
頂級手切肥牛色澤紅潤，紋理分別，淥一淥就食得，牛味濃，肉質頗嫩，唔錯。
.
極品安格斯牛肉粒店方話牛肉粒會愈淥愈腍，我都地淥左陣先食，食落有咬口，愈嚼愈香呢。
.
牛白肉據說牛白肉係接近胸骨既軟骨位，望落好似脂肪位咁，建議輕輕淥6秒就食得，食落質感爽脆，頗香的。
.
手打蝦丸及手打墨丸
同樣係店方自家手打，蝦丸食落好彈牙，蝦味濃郁，食得出相當新鮮!
.
芝心丸
$48
30 views
3 likes
0 comments
小妹至愛既火鍋必食芝心丸，一咬流心芝士爆出，芝迷點可以唔叫佢?
.
蟶子及青口各兩隻店方建議蟶子淥10秒就夠，食落果然爽脆彈牙，每人一隻真係唔夠喉!
.
自製鮮蝦雲吞、水餃、韮菜餃及魚皮餃同樣自家包既雲吞同餃子類，皮薄餡多，每隻餃子都十分飽滿，內裡塞了滿滿的餡料。像小妹這隻鮮蝦雲吞，咬落入面有兩/三隻蝦呢，蝦肉又夠彈牙，好豐富呀!魚皮餃唔係外來貨色，食落啖啖肉，小妹呢個魚皮餃迷食得超滿足。
.
炸響鈴 $48呢度既炸響鈴係店方自家新鮮即炸架，小妹覺得係必試之選。岩岩炸起既響鈴熱辣辣，店方仲會提供埋甜酸醬，就咁點黎食都得! 不過小妹都係鍾意浸湯食，吸晒D沙嗲湯底，好滋味。
.
最後仲有個雜菜籃，今日係西洋菜及唐生菜，西洋菜用黎打邊爐真係好唔錯；仲包埋一個烏冬或出前一丁，食埋佢一定夠晒飽。.
飯後甜品雪米慈。整體黎講，覺得店員既服務態度頗好，會細心提醒客人牛肉類淥幾耐會係最好；而且所提供既食材質素相當唔錯，雲吞、手打丸同炸響鈴都令人感覺誠意十足又美味，值得一試。
Post
