Video
Read full review
2013-04-13
42 views
Piccolo乃家中表姨甥們MAN（”MAN”其實係佢地三個英文名以字頭組合而成o既花名）最喜愛之食店也！適逢學校復活節假期，表姐同姨媽得知Piccolo喺小肥公司附近開左近分店，於是就大伙人約埋去食lunch。Piccolo灣仔分店位於灣仔核心地段，地鐡出口都只係要行幾分鐘，十分方便。雖然舖頭細細間，不過因為有張長梳化，所以感覺好有家庭feel，細細粒o既MAN又可以隨意喺梳化上趴動，就連我地手抱BB阿O仔都想同三個MAN一齊玩。小肥最欣賞就係餐廳內勤奮o既伙計，其中Joey哥哥最為落力；雖然招呼我地成枱大人細路咁吃力，但係佢依然可以笑容滿臉地滿足我地所有要求，真係感激，感激！記得公司同事講過話老細好鍾意食pizza，所以就問Joey哥哥攞張外紙，可惜佢話暫時未有，但絕對唔介意我拍下menu，再打電話落order。當日我地人多，由姨媽負責叫野食黎大家分：Pancetta Pizza (with Italian Egg) – Soft Egg, Bacon & Tomato（$145）：小肥都係第一次見到pizza中間有隻蛋，真係夠哂新奇！薄薄o既pizza香脆易入口，煙肉同蕃茄唔會太
Piccolo灣仔分店位於灣仔核心地段，地鐡出口都只係要行幾分鐘，十分方便。雖然舖頭細細間，不過因為有張長梳化，所以感覺好有家庭feel，細細粒o既MAN又可以隨意喺梳化上趴動，就連我地手抱BB阿O仔都想同三個MAN一齊玩。小肥最欣賞就係餐廳內勤奮o既伙計，其中Joey哥哥最為落力；雖然招呼我地成枱大人細路咁吃力，但係佢依然可以笑容滿臉地滿足我地所有要求，真係感激，感激！記得公司同事講過話老細好鍾意食pizza，所以就問Joey哥哥攞張外紙，可惜佢話暫時未有，但絕對唔介意我拍下menu，再打電話落order。
當日我地人多，由姨媽負責叫野食黎大家分：Pancetta Pizza (with Italian Egg) – Soft Egg, Bacon & Tomato（$145）：小肥都係第一次見到pizza中間有隻蛋，真係夠哂新奇！薄薄o既pizza香脆易入口，煙肉同蕃茄唔會太多，連埋個流心太陽蛋一齊食增添軟熟滑溜感，真係好有驚喜，是日必吃推介！
Chicken Wings（$80／6pc）：炸雞翼熱辣辣，皮脆雞肉嫩，大人細路都好啱食！
Linguine Vongole – Seasonal Clams in White Wine （$150）：白汁蜆意粉少辣多汁，烹調時間剛剛好，所以意粉絕對唔會過腍，蜆肉同湯一樣咁鮮甜，好味！
French Fries（$60）：薯條切得夠幼，炸得亦尚算乾身，小朋友們食到唔停得口。
Spaghetti Aglio Olio – Roasted Garlic & Red Chilli in Olive Oil（$120）：走左紅椒o既意粉蒜味唔會過濃但依然好香口清爽，食落更毫不滯口，麵條做得非常al dente，喺口到彈下彈下，超正！
Caprese Salad – Buffalo Mozzerella, Cherry Tomato & Basil（$110）+ Beetroot & Rocket – Served with Fennel Shavings and Radish（$80）：小朋友們愛食菜（健康得令表舅父有少少慚愧），姨媽特地叫左幾碟沙律大家分。小肥舅父好偉大地同班細路講，比埋我嗰份菜比佢地食，哈哈，氹到佢地kaka笑。
Piccolo餐廳細細間，小朋友尤其愛坐長梳化，感覺好溫馨，就連手抱BB都唔會扭計。餐廳食物大多香脆，pizza樣貌新穎，服務生態度誠懇友善，唔怪得知我班表姨甥MAN咁鍾意喺Piccolo度開餐，聽到舖頭喺灣仔開分店仲要第一時間捉住婆婆同姨婆一家去試！個人覺得如果價錢可以下調少少，XO仔會食得仲開心。
Post
