泰鳩

Open Now

Now Closed

店舖裝修比較年青，色彩鮮艷，播住泰文歌，店員都是年青人，做嘢快手，招呼唔錯。自己自行用QR code落單。泰式拼盤 $192入面有齊蝦餅，魚餅，串燒雞，串燒豬，仲有春卷同雞翼。全部都係香口嘢，炸得唔錯，唔會油冧冧，好適合送啤酒。火山骨（大） $192有三件大大件嘅排骨，叫咗小辣，辣度剛剛好，店員會俾埋手套，用手套食好方便。芒果糯米飯 $78賣相好吸引，芒果夠晒甜，有黑白兩色糯米飯，另外附上椰漿，是很好的飯後甜品。椰青 $48大大隻又新鮮，有俾埋匙羹，方便食啲椰青肉，我自己很喜歡吃椰青的肉，很清甜。龍眼冰 $38勁多龍眼肉，好足料，出奇地好飲。我習慣早食飯，六點幾去到，入座時唔多人，不過未到七時已經客滿，如果星期五六去最好都係訂位。上菜速度都算幾快，店內環境亦舒適，地點就腳，很適合三五知己傾偈食飯。用心寫食評，希望分享食後感給大家，喜歡請追蹤和按讚，謝謝。