大壹燒鵝 (登輝大廈)

Open Now

Now Closed

同朋友去銅鑼灣睇野，順便食個靚飯，他好想搵間好食既燒鵝，到最後係時代廣場附近搵到間不錯既燒味檔。來到間燒鵝專門店，見門外掛起一隻隻燒鵝、叉燒、豉油雞，就流哂口水。【油雞/燒鵝雙脾飯】燒鵝：明爐自家燒製而成，鵝油豐盛，鵝皮又脆，肉質又嫩滑，加上梅醬就一流。油雞：皮彈肉嫩，仲帶點玫瑰露香味，再配埋葱油一起食，顯出雞既鮮味。【一人餐 - 燒鵝、叉燒】晚上都有抵食套餐，跟單/雙拼燒味、郊外油菜、老火湯。燒鵝：微微暖既燒鵝真係好好食，外皮香脆，入口皮連一起食又夠鬆化。叉燒：表面色澤又紅，邊位又燒到帶點焦濃，外表不錯。用上五花腩燒，半肥瘦又均勻，肉質又夠軟淋。例湯：合掌瓜豬骨湯，材料勁多，味道濃郁。【叉燒(例牌)】朋友食了一舊之後發覺好好食，之後再叫左碟例牌，食食下發現有人想叫叉燒已經賣哂，真係估不到咁快賣哂。入口又有咬口，推介之一。