Video
Read full review
2023-06-28
584 views
早已久仰沙田18的大名終於呢日老婆大人帶我去食好嘢正呀喂。今日嚟食晏晝梗係叫啲點心食吓啦！第一樣係櫻花蝦蘿蔔絲酥呢個係老婆大人鍾意食嘅其中一樣點心，不過呢隻仲要加咗香口到不得了嘅櫻花蝦喺入面食落勁鬆化仲好鬼惹味添。跟住呢一個係蟹肉金瓜水晶餃嗰皮做得好煙靭又唔黐牙，入面嘅蟹肉鮮甜加埋清甜嘅南瓜係好食嘅。前菜梗係要照顧我家嘅辣妻先啦！叫咗個川椒家鄉口水雞俾老婆大人嘆！怕辣嘅我都覺得呢個口水雞好好味，香麻辣有齊晒仲有爽滑嘅粉皮食得辣嘅朋友真係要試吓呀。夏天最好就係食冬瓜所以嗌咗呢一個瑤柱冬茸羹，清甜嘅冬瓜加埋鹹香嘅瑤柱原來好鬼吸引！湯羹個芡打得啱啱好入口順滑唔會太稀又唔會太杰超正斗。呢一個餸用咗師傅自己整嘅調味料辣椒餅嚟煮！佢個名叫做辣椒餅四角豆爆炒蝦球香辣惹味食到老婆舔舔脷，加埋大大隻嘅新鮮蝦球同埋爽口嘅四角豆，食呢味餸真係可以爬兩碗飯㗎。跟住呢一味真係令我大開眼界同口界！平時食到嘅柚皮都係蚊到淋晒好多芡汁嗰種，呢度師傅竟然炒柚皮加埋啲禮雲子食落鹹鹹香香入面仲好多汁夠晒特別。然後呢兩味餸雖然平時我唔like但係我都盡力去試！因為係我老婆大人鍾意食嘅臭豆腐喇先嚟個香炸臭豆腐，嚟到嘅時候冇平時
今日嚟食晏晝梗係叫啲點心食吓啦！第一樣係櫻花蝦蘿蔔絲酥呢個係老婆大人鍾意食嘅其中一樣點心，不過呢隻仲要加咗香口到不得了嘅櫻花蝦喺入面食落勁鬆化仲好鬼惹味添。
跟住呢一個係蟹肉金瓜水晶餃嗰皮做得好煙靭又唔黐牙，入面嘅蟹肉鮮甜加埋清甜嘅南瓜係好食嘅。
前菜梗係要照顧我家嘅辣妻先啦！叫咗個川椒家鄉口水雞俾老婆大人嘆！怕辣嘅我都覺得呢個口水雞好好味，香麻辣有齊晒仲有爽滑嘅粉皮食得辣嘅朋友真係要試吓呀。
夏天最好就係食冬瓜所以嗌咗呢一個瑤柱冬茸羹，清甜嘅冬瓜加埋鹹香嘅瑤柱原來好鬼吸引！湯羹個芡打得啱啱好入口順滑唔會太稀又唔會太杰超正斗。
呢一個餸用咗師傅自己整嘅調味料辣椒餅嚟煮！佢個名叫做辣椒餅四角豆爆炒蝦球香辣惹味食到老婆舔舔脷，加埋大大隻嘅新鮮蝦球同埋爽口嘅四角豆，食呢味餸真係可以爬兩碗飯㗎。
跟住呢一味真係令我大開眼界同口界！平時食到嘅柚皮都係蚊到淋晒好多芡汁嗰種，呢度師傅竟然炒柚皮加埋啲禮雲子食落鹹鹹香香入面仲好多汁夠晒特別。
然後呢兩味餸雖然平時我唔like但係我都盡力去試！因為係我老婆大人鍾意食嘅臭豆腐喇先嚟個香炸臭豆腐，嚟到嘅時候冇平時喺街聞到嗰種咁大嘅難聞味道反而覺得幾香！所以我都試咗一粒可以話俾大家聽鍾意食臭豆腐嘅一定要嚟試吓。
呢一鍋砂窩海鮮臭豆腐簡直係極品中嘅極品！有齊好多樣嘅海鮮再加埋臭豆腐喺入面好豐富，個味道鮮得嚟對我嚟講又有啲大件事總之食到有啲欲拒還迎嘅感覺，呢個餸嘅味道真係好鬼銷魂哈哈。
老婆大人話嚟呢度一定要食堂弄玫瑰露叉燒豬油撈飯，不過想睇師傅放火就一定要喺貴賓房先得㗎。
我呢個老婆大人真係食得好鬼招積！竟然叫師傅叉燒免切不過咁樣食又真係好盞鬼。
呢個火焰叉燒會配一個缽仔飯跟埋師傅自家特製嘅豬油同埋豉油，雖然冇煎蛋都真真正正食到咩叫做黯然銷魂嘅味道。
鹹嘢食完之後梗係到食甜嘢啦！呢度最出名嘅自家製雪糕梗係唔少得，我哋叫咗糖冬瓜開心果雪糕同埋鹹蛋黃雪糕，兩個味道都鬼咁過癮不過我同老婆大人都係鍾意邪惡嘅鹹蛋黃雪糕多啲。
最後仲有呢個酸酸香香嘅青檸話梅撻食完真係飽到一個點呀！大家記得去下面條片睇師傅放火呀包你睇完即刻想去食，如果想食叉燒飯就要記得要預早一日訂呀。
沙田18電話：37237932
地址：沙田澤祥街18號沙田凱悅酒店4樓
Post
